TAKê eşkere kir ku êrîşa li Beşîktaşê wê kiriye

Ji bo nûçeya Tirkî / Ingilîzî bitikîne

Teyrên Baz ên Azadiya Kurdistanê(TAK) eşkere kir ku êrîşa li Yarîgeha* Vodafone Arenayê wê kiriye.

TAKê daxuyaniyeka bi vî rengî da:

“Koma me ya Tolhildanê ya Ş. Tîrêj di 10ê Kanûna Pêşiyê de siet 22:30ê, êrîşa li Yarîgeha Vodafone Arenayê û êrîşa li Mackayê pêk anîne. “

TAKê îdia kir ku “ bi sedan polîs mirine û bi sedan jî birîndar bûne.”

Çalakiyên TAKê

TAKÊ eşkere kiribû ku teqîna li Balafirgeha Sabîha Gokçenê(23yê Kanûna Pêşiyê, 2015) wê kiriye.

Li Kuşadasiya Aydinê û li Çeşmeya Izmîrê bombe teqandine, 5 tûrîst û polîsek miribû 34 kes birîndar bûbûn.

Li Bazara Anafartalarê ya Enqereyê TAKê bombeyek teqandibû (23yê Gulanê, 2007) 7 kes mirin 102 kes birîndar bûn.

Teqîna li Bakirkoy Stenbolê:  (10ê Hezîranê, 2007), 31 kes birîndar bûbûn.

Teqîna li Kûçûk Çekmeceya Stenbolê:  (8ê Hezîranê, 2007), 15 polîs birîndar bûbûn.

Teqîna li Halkaliya Stenbolê ya li nêzîkî malên leşkeren: (31ê Çiriya Pêşiyê, 2010) zerera canî nebû.

Teqîna li Meydana Taksîmê ya Stenbolê: (26ê Tebaxê, 2010) 32 kes birîndar bûbûn.

Teqîna li Konyaaltiya Antalyayê: (28ê Tebaxê, 2011) 6 kes birîndar bûn.

Teqîna li Kizilaya Enqereyê: (20ê Îlonê, 2011) 3 kes mirin 34 kes birîndar bûn.

Teqîna li ber deriyê Serokerkaniya Leşkerî ya li Enqereyê: (17ê Sibatê, 2016) 28 kes mirin, 61 kes birîndar bûn.

Teqîna li Gûvenparka Enqereyê: (13ê Adarê, 2016) 37 kes mirin.

Teqîna li Veznecîlera Stenbolê ya li rexa servîsa polîsan: (7ê Hezîranê, 2016) 11 kes mirin.

Êrîşa xwekujî ya li nik Ulu-Camiiya Bursayê: (28ê Nîsanê, 2016) 20 kes birîndar bûn.

Teqîna li Yenî Bosna û Bahçelîevlera Stenbolê: ( 6ê Çiriya Pêşiyê, 2016) 10 kes birîndar bûn.

Teqîna li Baglara Amedê(Diyarbekir): ( 4ê Çiriya Paşiyê, 2016): 11 kes mirin, 9 ji wan polîs bûn. Li gor Reutersê DAIŞê jî eşkere kiriye ku ev êrîş wê kiriye. (HK/MB)

(*Yarîgeh: Meydana lîstina yarî anko lîstikan)