Rûsya û Tirkiyeyê got “DYA dê beşdarî civîna li Astanayê bibe” Îranê nerazîbûna xwe dîyar kir
Wezîrê karên derve yê Rûsyayê Lavrov û wezîrê karên derve yê Tirkiyeyê Çavûşoglûyî diyar kiribû ku DYA dê beşdarî civînên li Astanayê bibe, Îranê nerazîbûna xwe diyar kir.
Ji bo nûçeya Tirkî bitikîne
Ne dîyar e ka Dewletên Yekbûyî yên Amerîkayê(DYA) dê beşdarî civînên li Astanayê bibe an na û minaqeşeyên li ser wê yekê didomin.
wezîrên karên derve, Mevlût Çavûşoglûyî diyar kiribû ku Tirkiye û Rûsya ji bo beşdarbûna DYAyê hemfikir in.
Wezîrê karên derve yê Rûsyayê Sergey Lavrovî jî ev agahî piştrast kiribû. Wezîrê karên derve yê Îranê Cewad Zarîfî jî diyar kir ku ew li dijî beşdarbûna DYAyê ne.
Lîsteya beşdaran zelal dibe
Heta niho navê Rûsya, Tirkiye, Îran, Artêşa Azad a Sûriyeyê û mixalifên Sûriyeyê di lîsteya beşdarên Civîna li Astanê de hene.
wezîrê Rûsyayê eşkere kiribû ku ew ji bo daxwaza Hikûmeta Sûriyeyê civînan pêk tîne û Tirkiyeyê jî eşkere kiribû ku hima bêje teqez e ku amerîka dê beşdarî civînên li Astanayê bibe.(AS/MB)