Figen Yuksekdag ji Çilem Dogan re name şand

Hevseroka Giştî ya HDPê Figen Yuksekdag di nameya xwe ya ku ji Çilem Dogan re şand de wiha got: ‘Me di şexsê te de dît ku mafê xweparastînê ji bo jinan tirûşa jiyanê ye û ti kes nikare berxwedana heyî tine bike.’

Stenbol

Figen Yuksekdag ji Çilem Dogan re name şand

Ji bo nûçeya Tirkî

Hevseroka Giştî ya HDPê Figen Yuksekdag ji Çilem Dogan re name şand. Çilem Dogan ji ber êriş û tûndiya li dijî wê hevserê xwe kuşt û dadgehê 15 salan cezayê hepskirinê da wê.

Yuksekdag ragihand ku divê kuştina hevserê Çilem Dogan di çarçoveya xweparastinê de were nirxandin. Yuksekdag ji bo Dogan temenî kir ku ew serbest were berdan û diyar kir ku ew di warê hiqûqê de amadene ku piştgirî bidin Çilem Dogan.

Nameya Yuksekdag wiha ye:

Birêz Çilem,
Beriyê de ji ber cezayê ku bi awayekî bêhiqûqî li te hatiye dayîn, gelek derbasî be. Temeniya me û raya giştî ew bû ku heyeta dadgehê xweparastinê ku di çarçoveya mafê jiyanê de binirxîne û weke meşrû qebûl bike û derbarê te de jî biryara beraetê bida.

Lêbelê careke din derket holê ku edaleta heyî û biryara dayî li gorî helwest û zihniyeta erkdaran e. Temeniya me ew e Dadgeha Bilid mafê xweparastinê weke meşrû qebûl bike û tu jî serbest werî berdan. Tu jî pê zanibe ku di vê çarçoveya dadkirinê de am amadene ku di her warî de bi her awayî ligel te nin.
....
Rêzdar Çilem, di serdemeke ku mafê jiyanê jî tê de hemû mafên sereke yên jinan di bin êrişan de ne û tên binpêkirin de sekna te û hevgirtina jinan, dê wan êrişan bişkîne.
Me di şexsê te de dît ku mafê xweparastînê ji bo jinan tirûşa jiyanê ye û ti kes nikare berxwedana heyî tine bike.
...
Çilemê qedirbilind, em careke din ji te re û ji hemû jinên ku ji hêla erkdaran ve hatin hepskirin re silav û rêzên xwe dişînin û dibêjin dîsa derbasî be.

Çi bûbû?

Ji mehên destpêkê yên zewaca Çîlem Doganê û pê ve tevgerên tûndkar li Çîlem Dodanê hatibû kirin. Zewaca çîlemê du salan dom kir. Çîlem Doganê gelek caran giliya mêrê xwe li navenda polîsan kiribû. Neh caran ji bo wê biryara parastinê hat dayin. Li ser mêrê xwe 6 doz da dest pê kirin.

dema çîlem hatî girtin wê gotibû ‘’ma her jin ê bêne kuştin’’ bi van gotinên xwe û bi nivîseka li ser tîşortê xwe ya ‘’ Dear Past: Thanks for all the lessons. Dear Future: I am ready (dema min a borî ya delal, ji bo hemî dersên te dayîn min mala te ava be. Delala dema bê, ez amade me.’’ )

Heştê Hezîrana 2016ê Dadgeha Cezayên Giran a Adanayê ya 10. biryar da Çîlem Dogan heta hetayê di girtîgehê de bimîne. (ÇT/MB/YO)