Ji bo nûçeya Tirkî bitikîne

Xêz: Zeynep Ozatalay 

Semîh Ozakça dersdêrek e ku 204 roj in ji ber ew ji karê wî hatiye avêtin di greva birçîbûnê de ye. 23yê Gulanê ew hat girtin û ji wê demê ve di girtîgehê de dimîne

Ozakça li Girtîgeha Sîncanê ye. Ew li Girtîgeha Sîncanê hat dadkirin. Nûrîye Gûlmen digel Ozakçayî dest bi grevê kiribû, ji ber ku ew li Nexweşxaneya Nimûneyê dimîne ew ji bo dadkirinê nehat anîn.

Dadgeha Cezayên Giran a 19. a Enqereyê di 14ê Îlonê de diyar kiribû ku ji ber kêmasiya karmendên ewlehiyê û îhtimala ku dersdêr bêne revandin dadkirina wan hat paşdedan. 

Sekreterê Giştî yê Weqfa Mafên Mirovan a Tirkiyeyê, Metîn Bakkalci wek şêwirmend beşdarî dadkirinê bû. Wî eşkere kir ka çi tesîrên greva birçîbûnê li mirovan dibe û mûdaxele tesîreka çawa li wan dike.

Bi biryara dadgehê bi tenê 30 kes beşdarî dadkirinê bûn.

Bixwîne – Dersdêrên di greva birçîbûnê de

“Li ber çavan hin kes têne kuştin. Ma we ji zû ve qelem neşkandiye. Ev şano ji bo kê ye.

“Ez yek ji wan kesan im ku bi rûmeta xwe li pey peydakirina nanê xwe bûm. Nanê me ji destê me hat derêxistin.

“Biryara xwe bidin bila perdeya şanoyê bê girtin.”

Çi bûbû?

Nûriye Gûlmena Akdemîsyen û Semîh Ozakçayê dersdêr bi Biryarnameyên di Himê Qanûnan de ji karê wan hatin avêtin.

Nûriye Gûlmenê li Zanîngeha Selçûkî wek lêkolîner kar dikir. Bi Lêpirsîna FETOyê(Rêxistina Terorî ya Fethûllahgir) ew ji karê wê hat avêtin.

Semîh Ozakça, li Navçeya Çiyayê Mazî dersdêrek bû. Ew bi sûcê “têkiliya digel rêxistinên terorî an jî rêxistinên ku Lijneya Ewlehiya Neteweyî ew li dijî ewlehiya neteweyê dîtî” ji karê wî hat avêtin.

Gûlmen di 9ê Çiriya Paşiyê de, Ozakça jî di 23yê Çiriya Paşiyê de li Enqereyê li ber Monomentê Mafên Mirovan dest bi xwenîşandanê kiriye. Ew di 9ê Adarê de hatin desteserkirin. Wan di dema desteserkirinê de dest bi greva birçîbûnê kir.(BK/MB)