Dadgehê 10 meh cezayê girtinê da Canan Coşkûna rojnameger

Ji bo nûçeya Tirkî / İngilîzî bitikîne

Canan Coşkûn yek ji nûçegihanên Cumhuriyetê ye. Wê nûçeyeka bi navê “ji nav pîvazan MIT derket” nivîsîbû.

Ji ber nûçeya wê Dadgeha Cezayên Giran a Stenbolê li gor Qanûna Cezayan a Tirkan 301/2 bi sûcê “elenî sivikkirina dewletê û rêxistina emniyetê” deh meh cezayê girtinê da Coşkûnê.

Serokê Rêxistina Tirkiyeyê ya Rojnamegerên Sînornenas, Erol Onderoglû û gelek rojnamegeran jî li dadkirinê temaşe kir.

Canan Coşkûnê eşkere kir ku di wê nûçeyê de ti mexsedên sivikkirinê nînin û ew dixwaze ji dozê bê beraetkirin.

Parêzerê Canan Coşkûnê, Abbas Yalçinî eşkere kir ku dozgerî li naveroka nûçeyê nenêriye bi tenê li sernivîsa nûçeyê nêriye. Dozgerî ji ber ku navê MIT û pîvazan li rexa hev dîtiye wî ev yek wek heqaret destnîşan kiriye.(EA/MB)