Li Meksîkayê bi pileya 8.1ê erd hejiya

Erdhej 87 km dûrî bajarê Pijijiapanê û 70 km di bin erdê de pêk hatiye û piştî erdhejê li Meksîka, Gûatemala, El Salvador, Kosta Rîka, Nîkaragûa, Panama û Hondûrasê hişyariya tsûnamiyê hatiye dayin.

Stenbol

Ji bo nûçeya Tirkî bitikîne

Li Pasîfîkê bi pileya 8.1ê erdhej çêbû û bandor li peravên başûrê Meksîkayê kir.

Li gorî daneyên di malpera Navenda Lêkolînên Jeolojî yên Dewletên Yekgirtî de, navenda erdhejê 87 km dûrî bajarê Pijijiapanê ye û 70 km di bin erdê de pêk hatiye.

piştî erdhejê li Meksîka, Gûatemala, El Salvador, Kosta Rîka, Nîkaragûa, Panama û Hondûrasê hişyarî ji bo tsûnamiyê hatiye dayin.

Erdhej qasî deqîqeyekê berdewam kiriye û ji ber bandora wê mirov li Meksîkayê ji malên xwe derketine kolanan.

Li bajarê Chiapas ê Meksîkayê 2 kes mirine ku nêzîkî navenda erdhejê ye.

Hat diyarkirin ku li Gûatealayê jî ya kêm kesek miriye.

Di sala 1985ê de bi pileya 8.0 û di sala 1995ê de bi pileya 7.6ê du erdhejên mezin çêbibûn û bi deh hezaran kes miribûn.

Wezareta Navxweyî ya Meksîkayê îdia kir ku pileya erdhejê 8.4 e. (BG/EKN/FD)

* Nûçe ji BBCyê hatiye berhevkirin.