Dadgeha Êlihê biryara serbest-berdana Besîme Koncayê da

Ji bo nûçeya Tirkî bitikîne

Polîsan parlamentera Sêrtê ya Partiya Gelan a Demokratîk(HDP), Besîme Konca û parlamentera Amedê Çaglar Demîrel duhî li Enqereyê desteser kiribû.

Dadgeha Êlihê îro, bi şertê “kontrola edlî” biryara  serbest-berdana Besîme Koncayê da.

Besîme Konca kî ye?

Besîme Konca di sala 1970yê de li Mereşê hatiye dinê. Ji sala 1993yê heta sala 2004ê, 11 salan di girtîgehê de maye.

Di sala 2014ê de, bi doza KCKyê dîsa hat girtin.

Demekê li Komeleya Kongreya Jinên Azad xebitî. di hilbijartina 2015ê de ji HDPyê wek parlamentera Sêrtê hat hilbijartin.

10 parlamenterên HDPyê gitî ne

Herdu hevserokên HDPyê Selahattîn Demîrtaş û Fîgen Yûksekdag parlamenterên Şirnexê Ferhat Encû û Leyla Bîrlîk, parlamenterên Colemêrgê Selma Irmak û Abdullah Zeydan, parlamenterên Amedê Zîya Pîr, Idrîs Balûken, Nûrsel Aydogan û Îmam Taşçier, parlamenterê Enqereyê Sirri Sûreyya Onder û parlamentera Mêrdînê Gulser Yildirim di 4ê Çiriya Paşiyê de hatibûn desteserkirin.

Fîgen Yûksekdag, Selahattîn Demîrtaş, Idrîs Balûken, Leyla Bîrlîk, Selma Irmak, Nursel Aydogan, Gulser Yildirim, Abdullah Zeydan û Ferhat Encû di heman rojê de hatibû girtin.(NV/MB)