Osman Baydemîrî “têbênîya” li ser Demîrtaşî ji perlamanê pirsî

Ji bo nûçeya Tirkî / İngilîzî bitikînin

Parlementerê Rûhayê yê Partiya Gelan a Demokratîk(HDP) Osman Baydemîrî têbînîya Wezareta Dadê ya li ser Selahattîn Demîrtaşî ji perlamanê pirsî.

Wezareta Dadê ji bo dadgehên Demîrtaş lê tê dadkirin têbînîyek şandiye. Di têbînîya wezaretê de ji bo hevserokê HDPyê, Selahattîn Demîrtaşî “ew kesê ku ji ber endambûna rêxistina terorî di asta milîtanan de ye, ji aliyê raya giştî ve tê nasîn û tê şopandin, [ji aliyê me ve] tê dîtin ku dema ew ji bo derveyê bajarî tê birin û anîn çêdibe bûyerên wek firar, êrîş an jî li ber dadgehan xwenîşandan pêk bên.”

Osman Baydemîrî eşkere kir heman dosye ji bo hemî dadgehên Demîrtaş tê dadkirin hatiye şandin. Baydemîrî pirsî gelo wezaretê bi bersivnameyê ji beriya dadgehê biryara xwe daye.

Çi bûbû?

Hevserokê HDPyê Selahattîn Demîrtaş dê di 4ê Çiriya Paşiyê ya 2016ê ve li Girtîgeha Edirneyê girtî ye.

Dadgeha Qeyserîyê di 14ê Çiriya Paşiyê de ji Wezareta Dadê re, pirsnameyek şandibû wezaretê di bersivnameyê de gotinên “ew kesê ku ji ber endambûna rêxistina terorî di asta milîtanan de ye” nivîsîye.

Kronolojîya girtin û desteserkirina parlamenterên HDPyê

Piştî ku parêzbendiya parlamenterên HDPyê hat betalkirin gelek parlamenterên HDPyê hatin desteserkirin û bi şertê kontrola edlî hatin serbestberdan. 13 parlamenter hatine girtin. Herî dawiyê parlamenteriya Yûksekdagê hat betalkirin.

Di 4ê Çiriya Paşiyê de, hevserokên Partiya Gelan a Demokratîk(HDP), Selahattîn Demîrtaş û Fîgen Yûksekdag, berdevkê HDPyê Îdrîs Balûken û parlamenterên HDPyê Leyla Bîrlîk, Selma Irmak, Nursel Aydogan, Gûlser Yildirim, Ferhat Encû û Abdullah Zeydan hatin girtin.

Di heman operasyonê de polîsan Ziya Pir, Sırrı Süreyya Önder,  İmam Taşçıer, Hüda Kaya, Altan Tan, Ayhan Bilgen, Lezgin Botan, Nadir Yıldırım desteser kiribû û bi şertê kontrola edlî serbest berdabû.

**

Di 7ê Çiriya Paşiyê de parlamenterê HDPyê yê Colemêrgê, Nîhat Aydogan hat girtin.

**

Di 13ê Kanûna Pêşiyê ya 2016ê de Dadgeha Cezayê Giran a 2. biryar da ji ber lêpirsîna KCKyê  parlamenterên HDPyê Osman Baydemir, Dirayet Taşdemir, Çağlar Demirel, Selma Irmak, Ahmet Yıldırım, Besime Konca, Alican Önlü û Nadir Yıldırım bi zorê bê anîn.

Cihgira hevserokên HDPyê Çaglar Demîrel û parlamentera HDPyê Besîme Konca hatin girtin.

**

Di 4ê Kanûna Paşiyê ya 2017ê de, Leyla Bîrlîk hat serbestberdan.

**

Di 28ê Kanûna Paşiyê ya 2017ê de, parlamentera HDPyê ya Edeneyê Meral Daniş Beştaş hat girtin û di heman rojê de hat serbestberdan.

**

Di 30ê Kanûna Paşiyê ya 2017ê de berdevkê HDPyê Îdrîs Balûken hat serbestberdan.

**

Di 31ê Kanûna Paşiyê ya 2017ê de, berdevkê HDPyê Ayhan Bîlgen hat girtin.

**

Di 15ê Sibata 2017ê de Ferhat encû hat serbestberdan.

**

Di 17ê sibata 2017ê de Ferhat Encû dîsa hat girtin.

**

Di 21ê Sibata 2017ê de parlamenteriya hevseroka HDPyê, Fîgen Yûksekdagê hat betalkirin. Bi vê yekê hejmara parlamenterên HDPyê ji 59ê bû 58.

**

Dadgeha Cezayî ya Bazidê 5 meh cezayê girtinê da Selahattîn Demîrtaşî.

**

Di 6ê Adara 2017ê de polîsan parlamenterê HDPyê, Alîcan Onlû li Dadgeha Dêrsimê desteser kir.

 (AS/MB)