Artêşa Amerîkayê: Li Sûriyeyê her tişt wek-xwe ne

Ji bo nûçeya Tirkî  / Ingilîzî bitikîne

Serokê Dewletên Yekbûyî yên Amerîkayê, Donald Trumpî diyar kiribû ku Amerîka dê ji Sûriyeyê derbikeve Sererkaniya Leşkerî û Wezareta Parastinê ya wî welatî pey hev diyar kirin ku ti tişt neguherîne, her tişt wek-xwe ne.

Wezareta Parastinê(Pentagonê) eşkere kir:

“Di stratejiya leşkerî ya Sûriyeyê de ti guherîn nînin.”

Berdevkê Sererkaniya Leşkerî, General Kenneth McKenzieyî duhî di civîna digel çapemeniyê de diyar kir:

“Ya rastî ti tişt neguherîne.”

Berdevka Wezareta Parastinê, Dana Whiteyê jî duhî got :

“Min hin gotgot bihîstine ku diyar dikin [Artêşa Amerîkayê] ji Sûriyeyê derdikeve....Lê hê têkoşîna li dijî DAIŞê neqediyaye.”

Amerîka: Em ê derkevin

Serokê Amerîkayê Donald Trumpî jî di 29ê Adarê de, li Ohioyê gotibû:

“Sebeba ku em li wê derê(Sûriye) bûn, DAIŞ bû. Me piraniya armancên xwe bi destên xwe ve anî. Bihêlin bila hinekên dî bi Sûriyeyê ve eleqedar bibe. Em ê di demekê gelek kurd de ji Sûriyeyê derkevin.”

(ŞA/MB)