Li Almanyayê zewaca wekhevî fermî bû

Meclîsa Federal a Almanyayê îro li parlamentoye zewaca wekhevî qebûl kir. Hemû endamên Partiya Sosyal Demokrat, Partiya Çep û Keskan piştgirî dan pêşnûmeyê. Ji Partiya Yekîtiya Demokratîka Xiristiyanan herî kêm 73 kesan dengên erênî dan.

Stenbol

Ji bo nûçeya Tirkî bitikîne

Meclîsa Federal a Almanyayê digel 226 dengan bi 393 dengên erê zewaca wekhevî qebûl kir.

Serokwezîr Angela Merkel dema ku karta sor a tê wateya dengê nayê diavêt sendoqê hat dîtin. Merkel piştî dengdayînê ji rojnamegeran re daxuyakirin, “Ji bo min zewac, di qanûnan de di navbera mêr û jinê de ye; ji ber wê min got na. Ez hêvî dikim ku dengdayîna îro ne tenê rêzgirtinê ji nêrînên cuda re teşwîq bike her wiha yekîtiya civakî û aştiyê jî bîne”.

Merkelê gotibû ku derbarê dengdayînê de wan biryara komê nestendiye û bila hemû parlamenter bi îradeya xwe ya azad dengên xwe bidin.

Hemû endamên Partiya Sosyal Demokrat, Partiya Keskan û Partiya Çepê piştgirî dan pêşnûmeyê. Hejmara parlamenterên van her sê partiyan 320 ye.

Di dengdayînê de 393 deng ji bo erê hatin bikaranîn. Li gorî vê rewşê ji Partiya Yekîtiya Demokrat a Xiristiyanan herî kêm 73 parlamenteran piştgirî dane zewaca hevzayendî. Lê çavlirêye ku Partiya Yekîtiya Demokrat a Xiristiyanan ji bo betalkirina yaseyê serî li Dadgeha Destûra Bingehîn bide.

Almanya bû 15. welat ku zewaca wekhevî lê tê qebûl kirin

Ji 28 welatên Yekîtiya Ewropayê (YE) li 14 welatan zewaca wekhevî hatiye qebûlkirin:

Danîmarka (2012), Norwêç (2009), Îzlanda (2010), Fînlandiya (2017), Swêd (2009), Îskoçya (2014), Îrlanda (2015), Îngiltere (2013), Hollanda (2000), Belçîka (2003), Slovenya (2017), Luksemburg (2014), Fransa (2013), Îspanya (2005).

Li cîhanê her wiha li van welatan zewaca wekhevî weke maf fermî bûye:

Kanada (2005), Afrika Başûr (2006), ABD (2015), Meksika (hin eyalet), Kolombiya (2016), Brezilya (2013), Uruguay (2013), Arjantin (2010), Zelandaya Nû (2013) û Taywan (2017). (ÇT/FD)

* Me ev nûçe ji Deutsche Welle Tirkî û Independentê berhev kir