Leşkerên ku tundkarî li penaberan kirin hatin desteserkirin

Ji bo nûçeya Tirkî / Îngilîzî bitikîne

Li Dîlokê penaberên ku dixwestin sînor derbas bikin rastî tundkariya leşkerên li ser sînor hatin.

Serfermandariya Tirkiyeyê aşkere kir ku her 4 penaber hatin dersînorkirin û leşkerên ku tundkarî li penaberan kirine hatine desteserkirin.

Lêpirsîn hat destpêkirin

Di 28ê Tîrmehê de saet derdora 11.00ê 4 penaberên ku dixwestin ji Sûriyeyê derbasî Dîlokê bibin ji hêla leşkeran ve hatin girtin. Leşkeran li penaberan xistin û dîmenên tundkariya leşkeran di medyayê de belav bû û li ser medyaya civakî bertek dît.

* Fotograf: Rojnameya Objektif Gaziantep

Piştî van bertekan Serfermandariyê duh bi şev daxuyaniyek nivîskî belav kir.

Di daxuyaniyê de hat diyarkirin ku penaberên ku rastî tundkariyê hatin piştî dermankirinê hatin dersînorkirin û leşkerên ku tundkarî kirine jî hatine desteserkirin. (AS/FD)