Hunermendên Kurd û Îranî ji bo xwenîşandanên Îranê, stranek straye
Hunermendên Kurd û Îranî ji bo piştgriya xwenîşandanên li Îranê, stranek amede kiriye û stiye.
Strana bi navê "Were Meydan" bi kurdî ye û hunermendê Kurd Nasir Rezazî û yên Îranî Êbî, Şahîn Necefî û Pêdram Şehlayî strîne.
"Polîsên exlaqperest" li Îranê, bi sedema ku şerpeya xwe ne li gorî qanûnan girê daye, Jîna Mahsa Amînî desteser kirin. Rewşa Amîniyê li qereqolê nebaş bû û wê di 16ê Îlonê can da. Piştî vê bûyerê, li seranserê Îranê xwenîşandan dest pê kirin û heta îro jî li çendîn bajaran dewam dikin.
Bu gönderiyi Instagram'da gör
Rezazî, Îbî, Necefî û Şehlayî di stranê de gotinên "Jin jiyan azadî" distirên ku di dema xwenîşandanan de li Îranê weke slogan tên berzkirin û li seranserê cîhanê jî bal kişandine.
Xalid Reşîdpoûrî gotinên stranê nivîsîne û Pidram Şehlayî melodî û mûzîka stranê çêkiriye.
Nasir Rezaziyî li ser hesabê xwe yê Instagramê vîdeo-klîba stranê weşandiye û gotiye ku, "Ji bo piştgiriya serhildana wêrek a hemû gelên Îranê û rûxandina cûmhûra xwînrij a îslamî ya Îranê" wan ev stran çêkiriye.
Çalakiyên li Îranê di meha duyem de ne. Li gorî saziyên mafparêz, heta niha bi kêmanî 200 kes mirine. (FD)
