Albûma koma “Sakîna and Friends” ya bi navê “Bendewarî” li firoşgehan e

Sakina Teyna(Wêne: Derya Schubert Gulcehre / sakinateyna.com)

Pênç mûzîsyen li Vîyanayê rasta hev hatine û koma “Sakîna and Friends” pêk aniye. Ahenk Mûzîkê yekem albûma komê ya bi navê “Longing/Bendewarî/İntizar” amade kiriye.

Endamên komê bi enstrûmanên ji hev cida û bi repertûwareka berfireh berhemên mûzîka cazê pêk anine.

Pirzimaniya navê albûmê, bi naveroka albûmê ve girêdayiye. Repertûara komê jî pirziman e.

Guhertin

Sakina and Friends, YouTube/SakinaTeyna

Stranbêja komê, Sakîna Teynayê di albûma xwe ya çaremîn de şêwêya mûzîka xwe guhertiye.

Wê li gor albûmên xwe yên berê yên wek Royê Mi/My Soul, Derî/Behind The Doors (Trio Mara) û The Bridge/Köprü (Anadolu Quartet) bêhtir amûrên cazê bi kar aniye.

"Mûzîkjenên bi nav û deng"

Di danasîna albûmê de hatiye dîyarkirin ku:

“Muzîkjenên ku bi Sakîna ev xebata kirine, li qada muzîka gerdunî de bi nav û deng in.

“Mahan Mirarab li projêyê de wek dîrektore muzîke û gîtarjen cîh digre.

“Di Kemanê de Efe Turumtay, di klarnetê de Oscar Antoli, baterî û zerbê de jî Jörg Mikula şîrîgatiya Sakîna kirine.

“Hunermenda bi navê Golnar Shahyar jî bi dengê xwe yê balkêş û xweşik di stranêk de buye mêvana taybet û bi Sakîna duetek çêkiriye.
“Album, studyoyên SONO li Komara Çek bi giştî zindî hatiye tomarkirin. Stranên albumê bêhtir bi Kurmancî, Kirmanckî û Soranî ne. Li keleka stranên Kurdî, stranek bir Tirkî, yek bi Ermenîkî, yek bi Farisî, yek jî bi Azerî ye.

Sakina Teyna (Wêne: Derya Schubert Gulcehre / sakinateyna.com)

“Albuma Longing/Bendewarî/İntizar, dixwaze bibe xelekêk hevbêşî û wekheviya çand û zimanên cîhe ku di erdnîgariyek de bi hevre dijîn, lê di tim di nava pevçun û nakokîyande ne bike. Her cudahiyek di nav ahengek de bi rêz û wekhevî bê pejirandin. Ji pirrengî tirs nebe û ew wek dewlemendiyek bê dîtin. Pênc hunermend, pênc mirovên ji welatên cuda hatinê û bi zimanê cîhê dipêyîvin, di zimanek ku herkes jê fêhm dike, bi zimanê muzîkê hatine gel hev. Û bi bêrî û bendewariyek cîhanek aram û jiyanek di nav aştiyê de dixwazin dengê xwe bigîhînin guhdarvanan.”

(MB)

Çavkanî: sakinateyna.com