Alîkarê Hevserokên HDPê Alp Altinors hat girtin

Ji bo nûçeya Tirkî bitikîne

Alîkarê Hevserokên HDPê Alp Altinors, Hevserokê Rêxistina HDPê yê Tokatê Kadir Akkaya, Serokê Navçeya Navend yê HDPê Erdal Bektaş jî tê de 12 kes hatin girtin.

Li gorî nûçeya ETHAyê polêsan li Enqerê avêtine ser mala Alp Altinors û ew li Tokatê hatiye binçavkirin û 3 roj li Şaxa TEMê ya Tokatê bin çavan de maye û wî duh şevê sewqî dadgehê kirine.

Altinors li emniyetê mafê xwe yê hişbûnê bi kar anî û got: “Ev yek komployeke li dijî HDPê ye. Wê ev yek jî were pûçkirin.”

Dadgehê bi hinceta “endamê rêxistinê ye” û “kesan tevlî rêxistinê dike” ve derbarê Altinors de biryara girtinê da.

Altinors jî tê de 15 kes di çarçoveya lêpirsîna merasîma cenazeyê Rêvebirê HDPê ya Rêxistina Tokatê Zakir Karabulut ku di Qetlîama Enqereyê de canê xwe ji dest dabû de hatibûn binçavkirin.

Piştî ew 15 kesana sewqî dadgehê hatin kirin Alîkarê Hevserokên HDPê Alp Altinors, Hevserokê Rêxistina HDPê yê Tokatê Kadir Akkaya, Serokê Navçeya Navend yê HDPê Erdal Bektaş jî tê de 12 kes hinceta “endamê rêxistinê ye” û “kesan tevlî rêxistinê dike” ve hatin girtin. 4 kes jî bi şertê kontrola edlî serbest hatin berdan.

Altinors û HDPiyên din birine Girtîgeha Çamlibelê.

Herwiha Hevsera Alp Altinors û Hevserokê HDPê yê Enqereyê Birsen Kaya jî ku li ber Dadgeha Tokatê li benda dadkirinê bûn jî hatin binçavkirin.

Ji HDP û Demirtaş daxuyanî

Piştî girtina Alp Altinors Hevserokê Giştî yê HDPê Selahattîn Demirtaş di twitterê de wiha got:

Alp Altınörs başı dik onurlu bir devrimcidir. Hırsız değil, alçak değil, halk düşmanı katil değil, onurumuzdur. pic.twitter.com/4ZOJKfNuz0

— Selahattin Demirtaş (@hdpdemirtas) 16 Eylül 2016

HDP MYKê jî derbarê mijarê de daxuyanî da û got:,”Ew girtinan bi hinceta lidarxistina merasîma cenazeyê Zakir Karabulut ku di Qetlîama Enqereyê de canê xwe ji dest dabû ve pêk hatine, bêhiqûqî ye û derbeyeke li dijî siyaseta demokratîk e.”

(EA/YO)