Baroya Stenbolê xwest biryara qeydkirina deng û dîmenên rêwîyên teksîyan bê betalkirin

Ji bo nûçeya Tirkî bitikîne

Berpirsiyarîya Emniyetên Tirkiyeyê, ji bo qeydkirina deng û dîmenên rêwîyên teksîyan(tirimbêlên ticarî yên veguhestina rêwîyan) dê bernameyeka bi navê ITaksi bide dest pê kirin.

Baroya Stenbolê serî li Dadgeha Enqereyê da û xwest bername bê betalkirin.

Li ser navê Baroya Stenbolê parêzerê Atilla Ozen serî li dadgehê da. Ozenî eşkere kir ku bi qeydkirina deng û dîmenên welatiyan jiyana wan a kesane/şexsî dê bê binpêkirin.

ITaksi çi ye?

Şirketa bi navê İSBAK ji bo Şaredariya Bajarê Mezin a Stenbolê ev proje çêkiriye. Li gor projeyê kamêre, mîkrofon, tablet û qumçika/bişkoka hawarkirinê dê li hemî teksîyan bê bicihkirin.

Deng û dîmenên hemî rêwingiyan dê her dem bê qeydkirin. Dîmen dê li arşîva Emniyetê bê parastin. Heke teksîajo/şofêr pêl qumçika hewarê bike. Deng û dîmen dê rasterast ji bo navendên polîsan bêne şandin û hewarê bigihîne wan.(SA/AS/MB)