Di şeş mehan de herî hindik hezar û 146 penaber di behrê de fetisîne

Ji bo nûçeya tirkî bitikîne

Rêxistina Koçberiyê ya Navnetewî (IOM), aşkere kiriye ku di navbera meha Kanûna Paşiyê û ya Hezîranê de herî hindik hezar û 146 penaber dema xwesine biçin Ewropayê di behrê de fetisîne û mirine. 

Rêxistinê diyar kiriye ku ev hejmar du qatan ji hejmara 6 mehên destpêkê yên sala 2020an du qatan zêdetir e. 

Li gorî par hejmara kesên ku vê rêyê diceribînin ji sedî 56 zêdetir bûye. 

Astengiyên li ber saziyên sivîl sedemek e

Safa Msehli, Berdevkê IOMê gotiye ku "nabe ev mirov wiha di vê rêyâ ewqas xeter di bitenê bên hiştin."

Msehliyî nebûna operasyonên rizgarkirin û lêgerînên pêşbir ên bi pêşekiya welatên Ewropayê yên di nava behrên navnetewî de û astengiyên li ber saziyên sivîl weke sedema mirina koçberan nîşan daye. 

Rêya herî xeternak nava Libya û Îtalyayê ye 

IOMê rêya behrê ya di navbera Libya û Îtalyayê de ya herî xeternak nîşan daye ku 741 penaber li vir can dabûn. Saziyê her weha diyar kiriye ku li Okyanûsyaya Atlantîkê ya di navbera Afrîkaya Bakûr û Gravên Kanaryayê ya Ispanyayê de herî hindik 250, li ser rêya Rojavayê Behra Spî herî hindik 149 û li ser rêya Rojhilatê Behra Spî ya diçe Yewnanistanê jî herî hindik 6 penaber mirine. 

Dibe ku hejmara miriyan zêdetir be

IOMê gotiye ku gelek qeza nayên tespîtkirin û dibe ku hejmara miriyan zêdetir be û ji welatên peywendîdar xwestiye ku li gorî berpirsiyariyên xwe yên ji ber hiqûqa navnetewî ne, bicih bikin. (KÖ/FD)