Ferhat Tûnçî li Sûrê zêmarek ji bo Tahir Elçiyî gotiye

Ji bo nûçeya Tirkî bitikîne

Hunermend Ferhat Tûnçî serdana Sûrê kiriye ku bi sedema Roja Çalakiyê ya Kûrewî ya Sûr û Heskîfê ya 28ê Nîsanê çûbû Amedê.

Tûnçî di dema serdana xwe de zêmara Dêrsimê ji bo Tahir Elçiyî gotiye ku, dema Serokê Baroyê yê Amedê bû hatibû kuştin.

Tûnçî di rûpela xwe ya Youtube de zêmar belav kir û behsa çîroka wê kiriye. Tûnçî gotiye ku çîroka zêmarê û tiştên ku li Sûrê qewimîne dişibin hev:

“Li vê derê her tişt wêran bû. Ne tenê mirov mirin, bi mirovan re, dîrokeke mezin hate wêrankirin. Ew hişmendiya ku Sûr kiriye navnenda wêrankariya mezin, di heman demê de hişmendiya ku hevalê me Tahir Elçî kuştî ye jî.”

“Tahîr Elçiyî serhildana xwe ya li hemberî vê çanda qedîm, bi mesajên xwe yên li ber Minareya Çarling anîbû ziman. Gunehê wan bi wî nehat û ev dilkevirî bi xwe re wêrankariya vê çanda qedîm bi xwe re anî. Ez Tahîr Elçiyî careke din bi rêzdarî bibîr tînim. Em ê di parêzvaniya vê çanda qedîm a ku Wî rihê xwe di ber wê de daye, berdewam bikin”.

Bi gotinên Elçiyî dest bi zêmarê kiriye

Vîdeoya zêmara Ferhat Tûnç dixwîne, bi gotinên Tahir Elçiyî dest pê dike ku 28ê Çiriya Paşiyê ya 2015ê li ber Minareya Çarling a li Sûra Amedê beriya ku bê kuştin gotibû:

“Em li vê herêma dîrokî, li vê herêma qedîm a bûye dergûşa li gelek şaristaniyan û malxweyî li wan kiriye, li vî ciye hevpar ê mirovahiyê, em naxwazin çek, pevçûn û operasyon hebin. Em dibêjin ku bila şer, pevçûn, çek û operasyon ji vê qadî dûrkevin”.

Zêmara Dêrsimê

Gotinên zêmara bi navê Ma Çi Dî ya bi Kirmanckî wiha ne:

Ma çi dî, çi nêdî

Derdê na dîna dî

Derdê ma biyê giranî

Kulî/bute biye defterî

Bira bira bira

Neqî durî şêrê mara

Ax bira bira bira

Yî rojî dürî şerê mara

Haqû talaê na kerdene

Se vecîno binê gûna mara

Sawî-sawî doman vîme

Theyrê çime gûrete bîme

Halendîa xora vetîme

Bêma û bêpi mendîme

Bira bira bira

Neqî durî şêrê mara

Ax bira bira bira

Yî rojî durî şerê mara

Haqû talaê na kerdene

Se vecîno binê gûna mara

Va sodirra tîjî berzo

Roz tanîa xobidero

Teyrê yabanî bûano

Ûwa çhemû xoser şêro

Qesa:Cemal Taş

Qeyda:Ferhat Tunç

(TP/FD)