Jimara Duyem ya Derwazeyê derketiye

Ji mara duyem ya Kovara Derwazeyê ya zanistên civakî û mirovî li firoşgehan e.

Jimara duyem ya kovarê “jimareka taybet li ser mîrateya rewşenbîrî ya Emîr Hesenpûrî(1943-2017)*” ye.

Di kovarê de nivîsarên bi zimanê kurdî(kurmancî û soranî) û ingilîzî hene. Nivîsarên bi ingilîzî û kurmancîyê bi alfabêya latînî û nivîsarên soranî bi alfabêya aramî hatine nivîsîn.

Ser-edîtorê kovarê Emîr Hesenpûr di sala 2017ê de koça dawîyê kir, ji ber wê jimara piştî mirina wî li ser “mîrateya rewşenbîrî” ya Hesenpûrî hatiye amadekirin.

Herdu edîtorên kovarê Ergin Opengin û Farangis Ghaderi ne. Asîstana edîtoran Kubra Sagir bû. Sagir yek ji xwendekarên hatîn girtin yên zanîngeha Bogazîçîyê ya Stenbolê ye.

Emîr Hesenpûr* (li cîhana rojavayî Amir Hassanpour)

(z. 10 gelawêj 1943, Mehabad - m. 24 xizîran 2017, Toronto, Kanada) rewşenbîr û zimannasê kurd ê rojhilata Kurdistanê bû. Sala 1964an ji zanîngeha Tehranê dîplomaya pisporiya zimanê îngilîzî wergirtiye. Bi xwe jî di nava salên 1965-1966'an de dersdarî kiriye.

Sala 1968 dest bi pewerdeya lîguîstîkê dike û mastera xwe sala 1970yî bi dawî dike. Perwerdeya doktorayê jî sala 1972an diqedîne. Diçe zanîgeha Illinois a DYAyê, li ser komunîkasyonê ders digire. Sala 1989'ê de payeya profesoriyê bi xebata xwe ya li ser zimanê kurdî digire: ("The language factor in national development: The standardization of the Kurdish language, 1918-1985").

Ji sala 1986an ve li Kanadayê dijî û di zanîgehên cuda de dersan dide. Bi taybetî li ser mediyan, nakokî û demokrasiya neteweperweriyê, nîjadkujî û tevgerên civakî, nakokiyên etnîkî lêkolîn kiriye.

Ew bi Şehrazad Mocab, (Shahrzad Mojab) re marî bû (zewiciye).

Profesor Emîr Hesenpûr di 24ê xizîrana 2017an de li Torontoyê (Kanada) çû ber dilovaniya Xwedê.

Nationalism and Language in Kurdistan 1918-1985, Mellen Research University Press, San Francisco 1992.
Witûwêjêk sebaret be zimanewanî w edebî Kurdewarî (hevpeyvînek li ser lînguîstîk û wêjeya kurdî), weşan de Gzing Journal Nr.1, Schweden 1993.
The Nationalist Movements in Azarbaijan and Kurdistan , 1941-1946, erschienen in A Century of Revolution, editiert von John Foran, Univ. of Minnesota Press, Minneapolis 1994.
The Creation of Kurdish Media Culture in Kurdish Culture and Identity, editiert von Philip Kreyenbroek und Christine Allison, Zed Books, 1996.
The Politics of A-political Linguistics: Linguists and Linguicide, erschienen in Rights to Language: equity, power, and education, editiert von Robert Phillipson, 2000.
The Making of Kurdish Identity: Pre-20th Century Historical and Literary Discourses, erschienen in Essays on the Origins of Kurdish Nationalism, editiert von Abbas Vali, Mazda Publishers, 2003.

(Wikipedia)

Jimara Duyem ya Derwazeyê derketiye

Stenbol

Naveroka Kovarê

(MB)