Li Antalyayê nijadperestan êrişî xwendekarên Kurd kirine

Li Zanîngeha Akdenîzê ya Antalyayê komeke nijadperest ku 30 kes bûne êrişî 3 xwendekarên Kurd kirine.

Li Kampusa Zanîngeha Akdenîzê komeke nijadperest ku 30 kes bûne êriş birine ser 3 xwendekarên Kurd.

Di encama êrişê de xwendekarên bi navê Botan Artûç û Feyzî Akan birîndar bûne û birine Nexweşxaneya Fakulteya Tibê ya Zanîngeha Akdenîzê û xwendekara bi navê Hatîce Tong jî birine Nexweşxaneya Dewletê ya Ataturkê. 

Hatiye diyarkirin ku xwendekarên birîndar hê jî tên dermankirin û koma nijadperest ji sibehê ve li nav kampusê bela xwe li xwendekarên Kurd dide. (AY)

*Çavkanî: Ajansa Mezopotamyayê