Li Haîtiyê 4 hezar girtiyan ji girtîgehê firar kirine

Çeteyan li dijî girtîgeheke Haîtiyê êrîşeke çekdarî pêk anî.

Çeteyên biçek ên ku dawiya hefteyê avêtin ser Girtîgeha Croix des Bouquets a li paytext Port-au-Prince, bi hêzên ewlekariyê re şer kirin.

Li gorî daxuyaniya hikûmetê di dema pevçûnan de 4 hezar girtî ji girtîgehê reviyan û 12 kes mirin.

Rewşa awarte hate ragihandin

Li gorî nûçeya rojnameya Guardianê, hikûmeta Haîtiyê ragihand ku piştî bûyerê, wan rewşa awarte û qedexeya derketina derve ya bi şev ragihand. 

Wezîrê Aborî Patrick Boivert, ku serokwezîrê bi wekalet e, got: "Em ji polîs re hatine ferman kirin ku hemî rêyên qanûnî yên di destê xwe de bikar bînin da ku qedexeya derketina kolanan bicîh bîne û hemî sûcdaran bigire."

Serdegirtina zindanê piştî hukûmetê daxwaz Neteweyên Yekgirtî kir û xwest ku hêzek ewlehiyê ji bo welat aram bike bişîne, pêk hat.

Hêza polîsên elît a berê ya bi navê Barbecue û serçete Jimmy Chérizier berpirsiyariya êrîşan girt ser xwe.

Li welêt ev demek e xwepêşandan tên lidarxistin û xwepêşander dixwazin bi Serokwezîr Arîel Henrî dest ji kar berde.

NY: Bi tene 187 girtî di girtîgehê de dimînin

Rayedarekî Neteweyên Yekbûyî (NY) ku duh ji CNNyê re axivî û got ku li gorî zanyariyan, di dawiya hefteyê de nêzî 3 hezar û 500 girtî ji Girtîgeha Neteweyî ya Haitiiyê ya Port-Au-Prince reviyane. Li gorî rayedarê ku daxuyanî daye, li girtîgehê 3 hezar û 687 girtî hebûn.

Mîsyona Neteweyên Yekbûyî ya li Haîtiyê çavdêriya girtiyan û şert û mercên mirovî yên li girtîgehên welat dike.  (AS/FD)