Li mîtînga aştiyê gotina “qeyûm” qedexe ye!

Ji bo nûçeya tirkî / ingilîzî bitikîne

Ji ber Roja Aştîyê ya Cîhanî, 1ê Îlonê li bajarên wek Amed, Izmîr, Enqere û Stenbolê bernameyên roja aştîyê dê bêne pêkanîn.

Walîtîyên Amed, Wan û Antalyayê daxuyandiye ku li mîtîngên aştiyê gotinên  “qeyûm”,”qesir” û “derbe”  qedexe ne.

*Li Amedê mîtînga bi navê “Çareseriya Demokratîk a Ji bo Aştiyeka Birûmet” dê li Meydana Îstasyonê siet 15.00ê bê pêkanîn.

*Li Meydana Kartalê ya Stenbolê, bername dê siet 12.00ê dest pê bike.

*Bernameya li Meydana Gundogduyê ya Izmîrê dê siet 18.00ê dest pê bike.

Wezîfedarkirina qeyûman

Wezareta Karûbarên Hundir 20ê Tebaxê bi sedema ku lêpirsînname ji bo wan hatine amadekirin, Şaredarê Bajarê Mezin ê Amed, Mêrdîn û Wanê ji wezîfeyê dûr xistiye.

Wezaretê di daxuyaniya xwe de gotiye ku Şaredarê Bajarê Mezin ê Amedê Selçuk Mizrakli, Şaredarê Bajarê Mezin ê Mêrdînê Ahmet Turk û Şaredara Bajarê Mezin a Wanê Bedîa Ozgökçe Ertan ji wezîfeyê hatiye dûrxistin.

Bixwîne - Wezareta Navxweyî: Li 29 bajaran 418 kes hatine desteserkirin

Li şûna Mizrakliyî Waliyê Amedê Hasan Basri Guzeloglu, li şûna Turkî Waliyê Mêrdînê Mûstafa Yaman û li şûna Ertanê jî Waliyê Wanê Mehmet Emin Bilmez weke kayum hatine tayînkirin.

Bixwîne - "Îradeya demokratîk hatiye kuştin"

Li gorî nûçeya Ajansa Anadolûyê, ji ber ku 9 lêpirsînname ji bo Mizrakliyî, 6 lêpirsînname ji bo Turkî u 7 lêpirsînname jî ji bo Ertanê hatine amadekirin û li dadgehên cezayê giran dadkirin berdewam dikin, ji wezîfeyê hatine standin.

22yê Tebaxê Walîtîya Êlihê mixtarên sê taxên bajarî û mixtarekê gundekê ji karê wan dûrxistiye û li şûna wan qeyûm wezîfdar kirine.

Walîtîyê biryara li ser mixtaran li malpera xwe weşandiye. Li gor daxuyanîya li ser malperê (bi zimanê tirkî) mixtarên taxên Çay, Korik û Bağlarê û mixtarê gundê “Kösetarla”yê ji karê wan hatiye dûrxistin.

(AS/MB)