Li Rojavayê qedexeya derketina derve heta cejnê hatiye dirêjkirin

Rêveberiya Xweser a Rojavayê dema qedexeya derketina derve ya ji ber belavbûna vîrusa koronayê heta dawiya betlaneya Cejna Remezanê dirêj kiriye.

Hevserokatiya Meclisa Rêveber a Rêveberiya Xweser qedexeya derektina derve ya ji ber koronayê heta dawiya betlaneya cejnê dirêj kiriye.

Biryara ku ji deh xalan pêk tê wiha ye:

-Qedexeya ku heye bi şertên nû heta piştî bêhnvedana Cejna Remezanê wê berdewam bike,

-Dema qedexeyê ji saet 19.00 heta 06.00ê sibeha roja din wê berdewam bike.

-Hemû dikan û pîşe ji saet 06.00 sibeta heta 19.00 wê bên vekirin.

-Otobus û teksî di nav bajaran û di navbera bajaran de li gor rênimaiyên tendirustiyê wê kar bikin

-Deriyên sînor girtî dimînin heta biryar ji aliyê Hevserokatiya Meclisa Rêveber a Bakur û Rojhilatê Sûriyê ve were girtin.

-Welatî dikarin merasîmên xwe yên olî li mizgeft û peristgehan di hefteya dawiyê ya rojiyê de bikin.

-Di dirêjahiya dema qedexeya derketina derve de çayxane, xwaringeh, cafeterya, dibistan û zanîngeh wê girtî bimînin.

- Li Hesekê ji ber derketina vîrûsa koronayê tedbîrên cuda têne cîbicîkirin. Pêwîste rêveberiya Cizîrê li gorî pêşketinên rewşê tedbîrên guncaw bigirin.

-Pêkanîna biryarê ji bo hemû kesî derbas dibe. (AY/FD)

* Çavkanî - Fotograf: Rûdaw