Li Stenbolê wê rewşa Kurdên sedsala 20an bê nîqaşkirin

Li Stenbolê wê komxebatek li ser rewşa kurdan a di dema Sedsala 20an de bi rê ve biçe. Navê komxebatê “Di Sedsala 20an De Tevnên Sernetewî Yên Kurdan Li Rojavayê Ewropayê, Cîhana Komunîstan û Rojhilata Navîn” e.

 Di komxebatê de akademîsyen wê behsa têkiliyên kurdan li Rojavayê Ewropayê, Cîhana Komunîstan û Rojhilata Navîn bikin.

RUSKURD Projeya Lêkolînê ya bi navê “Li Rojhilata Navîn Kurd û Rûs (Sedsala 19an û 21an) vê komxebatê li dar dixe. Projeya navborî di bin banê Zanîngeha Sciences Po Lille-ê de ye. Agence National de la Recherche (ANR - Ajansa Netewî a Lêkolînê li Fransayê) piştgiriya wê dike. 

Bername îro li navenda Enstituya Lêkolînên Anatolyayê ya Fransî (IFEA) ya li Beyoglûya Stenbolê wê dest pê bike û wê du rojan berdewam bike.

Ji EHESSê Masha Cerovic, ji Otto-Friedrich-Universitat Bamberê Barbara Henning, ji Zanîngeha Neuchatelê Jordi Tejel, lêkolînvanê serbixwe Omar Sheikhmous, ji Zanîneha Jageiellonianê ya Polonyayê Joanna Bochenska, ji Zanîngeha Parîsê Hardy Mede, ji Akkon-Hochschule für Humanwissenschaftenê Kenan Engin, akademîsyen Nicholas S. Glostronbury, ji Siciences Po Lille-ê Etienne Peyrat û Adnan Çelîk wê behsa rewşa kurdan a di sedsala 20em de bikin. (FD)

Ji bo zanyariyên zêdetir bitikîne