Li Wêranşarê wesayîta zirxî li zarokekî 5 salî xistiye

Fotograf: AA

Ji bo nûçeya tirkî / îngilîzî bitikîne

Li Wêranşar, Navçeya Rihayê wesayita zirxpoş li zarokekî 5 salî xistiye û bi giranî brîndar kiriye.

Li Kolana PTTê ya navçeya Wêranşar a Rihayê, zarokê 5 salî N.D. di bin wesayîta zirxî ya polîsan de maye. N.D., bi giranî birîndar bûye.

Bixwîne-Polîsê ku Mîhraç Mîroglû kuştiye, nehatiye girtin

Li gorî nûçeya Ajansa Mezopotamyayê wesayîtê di saetên nîvroyê de li zarokê xistiye û piştre N.D. birine Nexweşxaneya Dewletê ya Wêranşarê. 

 Li gorî dîmenên kamerayên ewlekariyê yên ku li nizîkî cihê bûyerê ne, N.D. di bin wesayîta zirxpoş de dimîne û wesayît lingên N.D.yê  dieciqîne. 

Apê  N.D.ya 5 salî derbarê bûyerê de zanyarî daye û ragihandiye ku  N.D. sewqî Nexweşxaneya Dewletê ya Mehmet Akîf Înanê ya Rihayê kirine û metirsiya jiyanî ya zarokê didome. (KO/AY)