Li Xezeyê heta niha 23 hezar û 84 kes hatine kuştin

Wezareta Tenduristiyê ya li Xezeyê ragihand ku ji 7ê Çiriya Pêşiyê heta niha, di encama êrîşên Îsraîlê de li Xeta Xezeyê 23 hezar û 84 filistînî mirin. Li gorî heman daxuyaniyê di 24 saetên dawiyê de 249 kes mirin û 510 kes jî birîndar bûn. 

7 hezar kes winda ne

Li gorî daxuyaniya ku Ofîsa Medyayê weşandiye ya hikûmeta Xezeyê, di nava kuştiyan de 326 xebatkarên tenduristiyê, 45 endamên rizgarkirina sivîlan û 109 rojnameger hene. 

Ji 7ê Çiriya Pêşiyê heta niha 7 hezar kes an di bin kavilan de mane yan jî winda ne. 

Li gorî heman daxuyaniyê, beşeke 29 hezar avahiyan rûxixaye û 69 avahî bi temamî hilweşiyane.

Îsraîlê di dema êrîşan de 121 ambûlans kirine hedef, 30 nexweşxane, 203 navendên tenduristiyê bûne hedef. 

Li gorî daxuyaniya Ajansa Avahîdaniyê û Alîkariya bi Penaberên Filistînî ya Rojhilata Nêzîk û Neteweyên Yekgirtî (UNRWA), ji 7ê Çiriya Pêşiyê ya 2023an û heta 6ê Kanûna Paşiyê ya 2024an, li Xezeyê milyon û 900 hezar mirov ji cihên xwe bûne. 

Ev mirovên ji cihên xwe bûne, nikarin ava vexwarinê û ya paqij, xwarin û kelûpelên jiyanê bi dest bixin. (AS/FD)