Serokê Awistûryayê: Ez ê hewil bidim bibim asteng
Ji bo nûçeya Tirkî / Ingilîzî bitikîne
Serokê Awistûryayê, Christian Kernî diyar kir ji bo parastina rêkûpêkiya civakê ew ê hewil bide, bibe asteng ku ji bo propagandayê wezîrên Tirkiyeyê neçin wê derê.
Li gor rojnameya Awistûryayê ya bi navê Kurrier serokî gotiye ji bo “parastina rêkûpêkiya civakê” divê wezîrên Tirkiyeyê neçin welatê wî.
Kernî ji bo referandûmê jî got ev yek wek hewildaneka tinekirina demokrasîya li Tirkiyeyê ye.
Kernî di 5ê Adarê de ji bo qedexekirina propagandaya ji bo referandûma li Tirkiyeyê bangî dewletên Ewropayê kiribû.
Çi bûbû?
Di 6ê Adarê de wezîrê dadê Bakir Bozdagî xwestibû biçe Almanyayê û li wê derê beşdarî civînekê bibe lê civîn hatibû astengkirin.
Li ser vê yekê serokkomarê Recep Tayyîp Erdoganî eşkere gotibû:
"Min digot qey Nazîzm li Almanyayê nemaye lê welê diyar e hê heye."
Piştî sîyasetmedarên Alman xwe li ser vê yekê nerazî kir, serokwezîra Almanyayê Merkelê got:
"Divê Tirkiye demildest dest ji vê şibandina me û Nazîyan berde."
Wezîra Malbat û Polîtîkayên Civakî, Fatma Betûl Sayan Kaya piştî ku ji Hollandayê bi zorê ji bo Almanyayê hat birin îro bi balafirê Ji bajarê Kolnê yê Almanyayê hat Stenbolê.
Wezareta Karên Derve: Bila balyozê Hollandayê demekê venegere
Wezareta Karên Derve bi daxuyanîyekê diyar kir:
"Em ji bo demekê naxwazin balyozê Hollandayê yê hê jî bi destûrê li derveyî welatî ye vegere."
"Em vê hişmendiya dijminane şermezar dikin."
Alaya Tirkan li Balyozxaneya Hollandayê hat hildan
Xwenîşanderekî/ê alaya Tirkiyeyê bi stûna layan a Balyozxaneya Hollandayê ve kir.
Li gor nûçeya BirGûnê kesekê Tekbîr daye û alaya Hollandayê aniye xwarê li şûna wê ya Tirkiyeyê hildaye
(NV/MB)