Vê hefteyê wê 4 fîlm bikevin vizyonê

Vê hefteyê li Tirkiyeyê 2 jê xwemalî 4 fîlm wê bikevin vizyonê.

Derhêneriya fîlma "Bêdenge"yê Derrîck Borte dike û di fîlmê da Russell Crowe, Caren Pistorius, Gabriel Bateman, Anne Leighton û Jimmi Simpson dilîzin.

Senaryoya fîlmê Carl Ellsworth nivîsiye û fîlm di cureya tirs û aksiyonê da hatiye kişandin. Di fîlmê da qala çîroka Rachelê dikin, Rachel di trafîkê da bi yekî ra dikeve niqaşê li ser vê ew kes dikeve pey Rachelê.

"Mr. Lînk: Efsaneya Windayî"

Derhêneriya fîlma "Mr. Lînk: Efsaneya Windayî" Chris Butler dike. Fîlm di cureya anîmasyonê da hatiye kişandin û fîlmê xelata Golden Globeyê ya "Anîmasyona Herî Serkeftî" sitandiye.

Di fîlmê da qala Mr. Lînkê demeke dirêj e eqrebeyên xwe nedîtiye li wan digere, Sîr Lîonel Frostê kaşif û Adelîna Fortnîghta maceraperest jî bi Mr. Lînk ra rêwîtiyê dikin.

"El-Zebir"

Di fîlma "El-Zebir"ê da qala serpêhatiyên Tugbaya di piçûktiyê da hin tiştên xirab hatine serî û aciziyên wê dîsa derdikevin holê dikin.

Derhêneriya fîlmê Sînan Uzun dike û d fîlmê da Mustafa Kara, Cemalettîn Çekmece, Ada Mural, Elîs Buşra Kiliç û Cemal Aşkin Alpçetîn dilîzin.

"Hecîbeg, Kelha Dawîn"

Di fîlma "Hecîbeg, Kelha Dawîn" da Deren Talu, Aleksandr Sokolov û Yurdaer Okur dilîzin û di fîlmê da qala çîroka eşq û şer a li Hecîbega kelha dawîn a Osmaniyan dikin.

Fîlm di heyama şerê Osmaniyan û Ûrisan a sedsala 18an da derbas dibe, dewleta Osmaniyan û Qzaxên Tuna Sîçiyê ji bo Kelha Hecîbeg têkoşînê didin.

Fîlm li Odessaya bajarê Ukraynayê bi hevkariya Tirkiye, Ukrayna û Gurcistanê hatiye kişandin. Derhêneriya fîlmê Konstantin Konovalov dike. (FD)