Aborîya hunera kurdî û piştgirîya Şa Performansê

Zimanê Kurdî her tim di rewşeka xirab de bû. Di sedsala 21an de ev qeder nehatiye guhertin. Îro dîsa hunera bi kurdî tê kirin kar nake. Xebatkarên şanoya kurdî jî di heman rewşê de ne.

Ez, 29ê Gulanê wek hezkiriyekî şanoya kurdî çûm Şa Performansê ku li lîstika mamosteyê hêja Hîlmî Demirer temaşa bikim. Lîstik ji alîye Samuel Beckett hatiye nivîsandin. Derhênertiya wê Emre Erdem, sêwirîneriya wê Genco Demirer, mûzîka wê Cristopher Fisher û kareografîya wê ji aliye Gokmen Kasabali çêkiriye.

Lîstik di sala 1958an de hatîya nivîsandin. Beckett piştî şerê cîhana duyemîn di demên pir zehmet derbas bûye. Gestapoyê ew şopandiye û çend caran ji kuştinê xelas bûye. Gotina wî ya “Te her tim ceriband û tu her tim têk çûyî. Lê dîsa, carek din biceribîne û carek din têk biçe. Baştir têk biçe" di her demê de bûye hêviyek ji bo kesên ku di rewşeke awarte de.

Ev nêzî deh salan e ku li Stenbolê dijîm û kêm zêde bi hunerê re eleqedar im. Rewşa hunera kurdî her tim di zor û zehmetîyan de bû. Weşangerî, nivîskarî, kovargerî, muzîkjenî, şanogerî û hwd.

Van rojan dîsa em di demên xirab de derbas dibin. Her kesên ku karên hunerî dikin gazinan ji rewşa xwe dikin. Mixabin şanoya Şa Performansê jî yek ji wan e.

Li welatekî ku nêzî 5 mîlyon kurd lê dijîn hejmara şopînerên hunera kurdî pir kêm in. Ev jî dihêt wê wateyê ku kargehên kurdî roj bi roj winda dibin.

Heftiyek berê ez û çend hevalên xwe bi navê bianet kurdî ye me li ser Şa Performansê nûçeyek amade kiribû. Di wir de Tuncay Ozel ji me re gotibû; “di nav salekê de me 4 lîstik (yek ji wan ji bo a zarokan) derxistin û hemû jî bi zimanê kurdî bikin.”    

Îro nameyek wek daxuyaniya ji bianet kurdî ye re şandiye.

Tuncay Ozelî wiha gotiye:

“Ji ber ku em pirsgirêkên xwe yên aborî çareser bikin di 17ê Hazîranê de em ê konsertekê li darbixin. Bi vê konsertê em hêvî dikin ku em xwe bigihînin salekê din.”

(LA/MB)