10 êrişên bi bombeyan, 275 kuştî
Bi ser dema bombeyên ku li Reyhanliyê hatibûn teqandin de 3 sal derbasbûn. Ji wê demê vir ve li dijî sivîlan 9 êrişên din hatin kirin.
Di encama van êrişên bi bombeyan de 8 êrişkar mirin û 275 welatiyên sivîl jî hatin kuştin.
Lêpirsîna êrişeke tenê hat temamkirin: Reyhanli. (Derbarê wê êrişê de 3 doz hatin vekirin lê her sê jî negihiştiye encamê)
Lêpirsînên derbarê 9 êrişan de dewam dikin: Derbarê hemû lêpirsînan de biryara veşartinê hatiye dayîn.
Demên êrişan û hejmara kesên di encamê de hatine kuştin wiha ne:
Li Reyhanliyê di 11ê Gulana 2013an de bi wesayîtên bombebarkirî êriş hat kirin û di encamê de 52 kesan canên xwe ji dest dan.
Di 5ê Hezîrana 2015an de li Amadê li dijî mitînga HDPê êrişa bombeyî pêk hat û di encamê de 5 kesan canên xwe ji dest dan.
Li navçeya Pirsûsê ya Rihayê di 20ê Tîrmehê de xwekujê bombeya ser xwe, di civîna çapemeniyê de teqand û di encamê de 33 kesan canên xwe ji dest dan.
Di 10ê Cotmeha 2015an de li Enqereyê li dijî mitînga aştiyê du kesan bombeyên li xwe girêdabûn di nav welatiyên sivîl de teqandin û di encamê de 101 kesan canên xwe ji dest dan.
Li Stenbol Sultanahmetê di 12ê Çileya 2016an de li dijî tûrîstên alman bi bombeyan êriş pêk hat. Di encama wê êrişê de êrişkar mir, 11 turîstan jî canên xwe ji dest dan.
Di 14ê Çileya 2016an de li wesayîtên bombebarkirî li dijî avahî û lojmanên Mudiriyeta Emniyetê ya Çinarê (Amed) êriş pêk hat û di encamê de 6 kesan canên xwe ji dest dan. 3 kesên ku hatin kuştin zarok bûn.
Li Enqereyê di 19ê Adara 2016an de li diji servîsa sererkaniya tirk êrişeke bombeyî pêk hat û di encamê de 28 leşker û sivîl jiyanên xwe ji dest dan.
Li Stenbol Taksîmê li dijî tûrîstên îsraîlî êrişeke bombeyî pêk hat. Di encama wê êrişê de êrişkar mir, 4 tûrîstan jî jiyana xwe ji dest dan. (19ê Adarê)
Di 13ê Adarê de li Enqere Kizilayê êrişeke bi bombeyan hat kirin. Di encama wê êrişê de 35 polês-sivîl hatin kuştin.
Di 27ê Nîsan 2016an de li Bursayê êrişek bombeyî pêk hat û êrişkarê jiyana xwe ji dest da.
(AS/YO)