Bi fotografan protestoyên YSKê û yên encamên nefermî

Ji bo nûçeya Tirkî / İngilîzî bitikîne

Ji ber Saziya Hilbijartinê ya Bilind (YSK) biryar girt ku zerf û pisûlayên hilbijartinê yên bê mor jî wê bên qebûlkirin û aşkerekirina Ajansa Anadoluyê ya encamên nefermî yên referandûmê li gelek bajaran xwepêşandan tên lidarxistin.

Li bajarên weke Stenbol, Tekirdag, Marmaris û Çanakkaleyê xwepêşandêran meşiyan û YSK protesto kirin.

16 kesên ku li Antalyayê di dema çalakiyan de hatibûn desteserkirin, bi şertê kontrola edlî ve hatin berdan. Li Aydinê jî kesên ku xwestin çalakiyê lidar bixin ji hêla polîsan ve hatin astengkirin.

Stenbol

Beşiktaş

* Fotograf: Murat Delişkdaş / DHA

Li Beşiktaşê çalakiyên ji şeva referandûmê de destpê kirin dîsa li Qada Kartalê hat lidar xistin. Mirovên ku derketin şaneşînên xwe bi lêdana sinîkan piştgiriya xwepêşandêran kirin.

Kadikoy

* Fotograf: Akın Çeliktaş / DHA

Li navçeya Kadikoyê jin bi slogana “Te got qey Na’ya jinan qediya” li ber avahiya Operaya Sureyayê kom bûn û meşek lidar xistin.

Avcilar û Bakirkoy

* Fotoğraf: İhsan Dörtkardeş

Her wiha li navçeyên Avcilar û Bakirkoyê jî kesên encamên referandûmê û biryara YSKê yê protesto kirin daketin kolanan û meş lidar xistin.

Tekirdag

Fotograf: Ruhan Yalçın / DHA

Li Tekirdagê endamên Partiya Gel a Komarî (CHP) li Parka Üç Kemallerê kom bûn û bi sloganên “Em leşkerên Mustafa Kemal in”, “Em ê bi berxwedanê bi serkevin” û “Hîna neqediya nû destpê dike” meşiyan.