Dadgehê biryara serbestiyê ji bo Ayhan Bîlgenî da
Ji bo nûçeya Tirkî / Îngilîzî bitikîne
Ji bo Ayhan Bîlgenî, Parlamenterê Partiya Demokratîk a Gelan (HDP) yê Qersê biryara serbestiyê hat dayin.
Bîlgen ji 31ê Kanûna Paşiyê ya 2017yê heta niha girtî bû ku li 5emîn Dadgeha Cezayê Giran a Amedê di çarçoveya dosyeya Kobanê ya bûyerên 6-8ê Cotmehê de bi endamtiya rêxistinê dihat tohmetkirin.
Parêzera Bîlgenî Atiye Arikanê ji bianetê re axivî û got heyeta dadgehê rewşa girtîti ya Bîlgenî di ber çavan re derbas kir û di encama îtirazên wan de biryara serbestiyê da.
Bi biryara serbestiya Bîlgenî re hejmara parlamenterên HDPyê yên girtî daket 9an.
Parlamenterên HDPyê yên girtî wiha ne:
* Selahattîn Demîrtaş – Hevserokê Giştî yê HDPyê
* Fîgen Yuksekdag – Hevseroka Giştî ya berê ya HDPyê (Parlamenterî û endamtiya wê ya HDPyê di 21ê Sibata 2017yê de hatibû betalkirin)
* Idrîs Balûken – Parlamenterê Amedê
* Selma Irmak – Parlamentera Colemêrgê
* Gulser Yildirim – Parlamentera Mêrdînê
* Ferhat Encu – Parlamenterê Şirnexê
* Abdullah Zeydan – Parlamenterê Colemêrgê
* Çaglar Demîrel – Parlamentera Amedê
* Bûrcû Çelîk – Parlamentera Mûşê
Derbarê Ayhan Bîlgenî de
Di sala 1971ê de li Qersê jidayik bûye.
Rojnameger, nivîskar, Parlamenterê Qersê û Berdevkê HDPyê.
Fakulteya Zanistên Siyasî ya Zanîngeha Enqereyê qedandiye. Di beşê Sosyolojî yê Zanîngeha Hacettepeyê de mastera xwe daye.
Serokatiya MAZLUMDERê ya Enqereyê kiriye û endamtiye lijneya birêveberiya giştî ya heman saziyê kiriye. Di meha Gulenê ya 2006ê de bûye serokê giştî yê MAZLUMDERê. Di heman demê de kunciknivîsiya rojnameyên Ozgur Gundem û Evrenselê kiriye.
Di hilbijartinên 22ê Tîrmeha 2007yê de di çarçoveya Namzetên Hezar Hêviyî de li Konyayê bûyu namzetê serbixwe.
Di Hilbijartina şaredariyan a 30ê Adara 2014yê de bûye endamê şaredariya Seyhanê ya Edeneyê ya HDPyê. Hezîrana 2014yê di duyemîn kongreya asayî ya HDPyê de ji bo Alîkariya Hevserokê Giştî yê ji Berfirehbûnê Berpirs hatiye hilbijartin.
Yek ji avakarên Kongreya Îslama Demokratîk e ku di sala 2014yê de kom bûye.
Di 7ê Hezîranê û 1ê Mijdara 2015yê de weke Parlamenterê HDPyê yê Qersê hatiye hilbijartin. (EKN/FD)