Dadgeheka Îdirê 2 sal cezayê girtinê daye Ertugrul Kurkçuyî

Ji bo nûçeya tirkî / ingilîzî bitikîne 

Dadgeha Cezayên Giran a Îdirê, ji ber axiftineka Ertugrul Kurkçuyî 2 sal cezayê girtinê daye wî. Serokê rûmetê yê Partiya Gelan a Demokratîk(HDP) Ertugrul Kurkçu sala 2016ê di şahiyên Newrozê de axivîbû û dadgeha navborî doz lê vekiribû.

Bixwîne - Dadgeheka Stenbolê ji bo Kurkçu û Tanalî biryara beraetê daye

Piştî dadkirinê Ertugrul Kurkçûyî ji bianetê re diyar kir ku dadgehê cezayê kêm bi awayekê zehmetkirî(giran) daye. Herweha Kurkçuyî diyar kir dadgehê eşkere kiriye ji ber ew ne poşman e û meyla wî ya kirina wî sûcî heye dadgehê biryara dayina cezayî daye.

Girêdayî dadgeha bilin e

Heke dadgeha bilind dayina wî cezayî pesend(qebûl)  bike, Kurkçû dê ji ber wê axiftina xwe biçe girtîgehê.

Dema doz hatî vekirin Kurkçû wekîl bû, ji ber wê dozgerî fezlekeyek ji bo parlamentoyê şandibû û xwestibû parêzbendiya wî bê rakirin.

Sê axiftin, du doz

Herweha Kurkçû 2012, 2015,2015ê li bajarên Mêrdîn û Amedê jî axivîbû û ji ber hersê axiftinên wî du doz li wî hatibûn vekirin.

(HK/MB)