Dayik/Mirovên Şemiyê 26 sal in li xizmên xwe digerin
Fotograf: Dayikên Şemiyê
Ji bo nûçeya tirkî / ingilîzî bitikîne
Dayik/Mirovên Şemiyê yên dixwazin aqûbeta kesûkarên xwe yên winda bizanibin ji 27ê Gulana 1996an û vir ve çalakiyan li dar dixin. Dayik/Mirovên Şemiyê di salvegera 26an a çalakiya xwe de li Qada Galatasarayê bûn.
Xizmên windahiyan qurnefîlên sor danîne qadê û wan wiha gotiye: “Qada Galatasarayê ya 26 sal berê em bi gotina ‘Windahiyên me li ku ne?’ em derketinê, ji bo me bû cihekî hevdîtinê ya bi windahiyên xwe re. Em ê dest ji Qada Galatasarayê bernadin ku bi me re bû cihekî bîrê û cîhanê bi me ev der nas kir.”
Pervîn Bûldan, Hevseroka Giştî ya Partiya Demokratîk a Gelan (HDP), parlamenterên HDPyê Oya Ersoy, Dilşad Canbaz Kaya û parlamenterê Partiya Gel a Komarî (CHP) Sezgîn Tanrikûlû li gel xizmên windahiyan çûne qada Galatasarayê û qurnefîl danîne wir.
Bûldan: Em ê dest jê bernedin
Bûldan li vir axiviye û wiha gotiye:
“Bila ew kesên ev meydan li me qedexe kiriye bizanibin ku em ê ti carî dest ji lêgerîna xwe ya edaletê bernedin. Ez dixwazim bi taybet bibêjim ku em ê li pêvajoya dadkirineke adil bigerin. Heta ku windahî werin dîtin, faîl werin dadgehkirin wê ev têkoşîn dewam bike.”
“Têkoşîn wê dewam bike”
Dayikên Şemiyê li ser hesabên xwe yên Twitterê ev peyam weşandine:
“26 sal beriya niha weke îro ji bo mirovên me yên hêzên ewlekariyê yên dewletê ew desteser kirin û paşê hebûna wan înkar kirin, ji bo rastiyê, ji bo edaletê em derketin Qada Galatasarayê.
“Digel hemû zext û zoran, tunehesibandin û astengiyan, di nava her şert û mercan de me dest ji windahiyên xwe, ji cihê me yê rastî û bîrê, ji Galatasarayê berneda.
“Me soz daye windahiyên xwe. Heta windahiyê me yê dawî were dîtin em ê dest jê bernedin. Em ê kesên xizmên me winda kirine û kesên windakiriyan diparêzin efê nekin.”
(DŞ/FD)