Edîtora me Evrîm Kepenekê îfade da: Belê, em rojnameger in

Serdozgeriya Komarî ya Stenbolê derbarê edîtora nûçeyên jinan û LGBTI+yan ya bianetê Evrîm Kepenekê de lêpirsîn da destpêkirin.

Kepenekê bi îdiaya ku "Bi eşkereyî ji raya giştî re agahiyên xapînok belav kiriye (TCK 217/A)" û "kîn û dijminatî xistiye nava gel (TCK 216)" li serdozgeriyê îfadeyê.

Kepenekê duh (2ê Çiriya Paşiyê) tevî parêzera Sendîkaya Rojnamegerên Tirkiyeyê (TGS) Beste Donmez Gedekê çûn Buroya Lêpirsîna Sûcên Çapemeniyê ya Edliyeya Stenbolê ya li Çaglayanê, lê ji ber civîna dozger nekarî îfade bide.

Kepenekê îro îfadeya xwe da. Di dema îfadeyê de dozger ji Kepenekê pirsî: "Tu rojnamegerî?", Kepenekê jî wiha bersiv da: "Belê em rojnameger in."

Kepenekê weha got:

"Berî ku ez bersivê bidim sûcdariya li ser min, ez dixwazim der barê xebatên xwe yên rojnamegeriyê de hin agahiyan bidim. Nivîsa min jixwe naveroka nûçeyek min e. Ji sala 2000'î ve ez rojnamegeriyê dikim. Ez endamê Sendîkaya Rojnamegeran a Tirkiyeyê me û yek ji rêveberên Şaxa wê ya Stenbolê me.”

“Di heman demê de ez endamê Federasyona Rojnamegerên Navneteweyî me. "Ez li gorî prensîbên pîşeyî yên çapemeniyê yên ku ji aliyê Konseya Çapemeniyê û Cemiyeta Rojnamegerên Tirkiyeyê ve hatine amadekirin, rojnamegeriyê dikim."

"Lêpirsîna çavkaniyên vekirî li dijî qanûnê ye"

Parêzera Kepenekê Beste Donmez Gedekî jî got:

“Ez tevlî gotinên muwekîla xwe dibim. Dosya lêpirsînê li ser bingeha rapora lêkolînê ya çavkaniya vekirî ye. "Ji aliyê Dadgeha Destûra Bingehîn ve hatiye tespîtkirin ku raporên lêkolînê yên çavkaniya vekirî li dijî hiqûqê ne."

Di vî warî de divê parvekirin di çarçoveya azadiya derbirînê de bê nirxandin. Ji ber sedemên diyarkirî em daxwaza biryara neşopandinê dikin.”

Çi bûbû?

Rojnameger Evrîm Kepenekê di 15ê Sibatê de li platforma Xê vîdyoyek parve kiriye û weha gotiye: “Cendirmeyan li Bazarcixa Mereşê dest danîne ser konên alîkariyê, wê hemû alîkarî bi rêya AFADê were kirin”

Piştre nivîsa xwe nû kiriye Kepenekê û weha nivîsiye: “Dest danîne ser gelek ji konên alîkariyê yên li qadê.”

Serdozgeriya Komarî ya Stenbolê jî derbarê Kepenekê de lêpirsîn da destpêkirin. Dîmenê parvekirina Kepenekê  bi sernavê "rapora lêkolînê ya çavkaniya vekirî" li dosyaya lêpirsînê hat zêdekirin.

(EMK/AY)