Êrîşkarekî bi tifekê êrîşî Navenda Giştî ya HDPyê kir

Ji bo nûçeya Tirkî / İngilîzî bitikîne

Êrîşkarekî li Enqereyê bi tifeka xwe êrîşî Navenda Giştî ya HDPyê kir.

Kesekê bi navê A.T.G şeva dî di siet 22.30ê hatiye ber deriyê navenda HDPyê û bi tifeka xwe çar fîşek berdane avahiyê.

Polîsên li nêzîkî avahiyê êrîşkar desteser kiriye.

HDP: Desthilat bûye rêxweşkera êrîşkarî

HDPyê piştî êrîşê daxuyaniyek belavkir û da zanîn ku rêxweşkera êrîşê dewlet e.

“Rêxweşkera êrîşên li navendên me, ew desthilat e ku doza “tolhildanê” dike û ji hêzên dewletê re dibêje “bê merhemet bin”

“Em ê li hemberî hewildanên teswîyekirina HDPyê, bi hêzeka xurt bisekinin û ji bo sîyaseta demokratîk israr bikin.

“Em ê ji bo çareserkirina kêşeyan dest ji dîyalog, mûzakere û siyaseta demokratîk bernedin.”(EKN/MB)

*Wêne: Gûven Yilmaz – Enqere / AA