Ji ber ku Selahattîn Demîrtaşî qebûl nekir destên wî bên kelepçekirin, Cendirmeyan ew nebir dadgehê
Ji bo nûçeya Tirkî / İngilîzî bitikîne
Hevserokê Partiya Gelan a Demokratîk(HDP) Selahattîn Demîrtaş dê îro li Dadgeha Enqereyê bihatiya dadkirin.
Cendirmeyan xwest wî kelepçe bike dema wî qebûl nekir, ew ji bo dadgehê nehat birin. Selahattîn Demîrtaş dê ji Girtîgeha Edirneyê ji bo Dadgeha Enqereyê bihatiya birin. Piştî girtina wî dê biboya cara pêşiyê ku ji aliyê civatê ve bê dîtin.
Demîrtaş bi Sîstema Peywendî-danê ya bi Deng û Dîmenan(SEGBIS) beşdarî rûniştinên dî yên dadkirinê bûbû.
Selahattîn Demîrtaşî bi xwe ji xwestibû beşdarî dadkirinê bibe. Ev daxwaza wî di 30ê Hezîrana 2017ê de hatibû qebûlkirin.
HDPyê eşkere kir ku siet 03.40ê Cendirmeyan xwestine hevserokê HDPyê kelepçe bike. Wî diyar kiriye ku ew hêjî parlamenter e û parêzbendiya wî heye, çênabe ew bê kelepçekirin.
Demîrtaşî eşkere kiriye ku ew ji aliyê gelî ve hatiye hilbijartin û ew vê yekê qebûl nake. Piştî serfermandarê Cendirmeyan daxwaza Demîrtaşî qebûl nekir ew siet 04.10ê vegeriyaye odeya xwe.
Kronolojiya girtina parlamenterên HDPyê
Piştî ku parêzbendiya parlamenterên HDPyê hat betalkirin gelek parlamenterên HDPyê hatin desteserkirin û bi şertê kontrola edlî hatin serbestberdan. 13 parlamenter hatine girtin. Herî dawiyê parlamenteriya Yûksekdagê hat betalkirin.
Di 4ê Çiriya Paşiyê de, hevserokên Partiya Gelan a Demokratîk(HDP), Selahattîn Demîrtaş û Fîgen Yûksekdag, berdevkê HDPyê Îdrîs Balûken û parlamenterên HDPyê Leyla Bîrlîk, Selma Irmak, Nursel Aydogan, Gûlser Yildirim, Ferhat Encû û Abdullah Zeydan hatin girtin.
Di heman operasyonê de polîsan Ziya Pir, Sırrı Süreyya Önder, İmam Taşçıer, Hüda Kaya, Altan Tan, Ayhan Bilgen, Lezgin Botan, Nadir Yıldırım desteser kiribû û bi şertê kontrola edlî serbest berdabû.
**
Di 7ê Çiriya Paşiyê de parlamenterê HDPyê yê Colemêrgê, Nîhat Aydogan hat girtin.
**
Di 13ê Kanûna Pêşiyê ya 2016ê de Dadgeha Cezayê Giran a 2. biryar da ji ber lêpirsîna KCKyê parlamenterên HDPyê Osman Baydemir, Dirayet Taşdemir, Çağlar Demirel, Selma Irmak, Ahmet Yıldırım, Besime Konca, Alican Önlü û Nadir Yıldırım bi zorê bê anîn.
Cihgira hevserokên HDPyê Çaglar Demîrel û parlamentera HDPyê Besîme Konca hatin girtin.
**
Di 4ê Kanûna Paşiyê ya 2017ê de, Leyla Bîrlîk hat serbestberdan.
**
Di 28ê Kanûna Paşiyê ya 2017ê de, parlamentera HDPyê ya Edeneyê Meral Daniş Beştaş hat girtin û di heman rojê de hat serbestberdan.
**
Di 30ê Kanûna Paşiyê ya 2017ê de berdevkê HDPyê Îdrîs Balûken hat serbestberdan.
**
Di 31ê Kanûna Paşiyê ya 2017ê de, berdevkê HDPyê Ayhan Bîlgen hat girtin.
**
Di 15ê Sibata 2017ê de Ferhat encû hat serbestberdan.
**
Di 17ê sibata 2017ê de Ferhat Encû dîsa hat girtin.
**
Di 21ê Sibata 2017ê de parlamenteriya hevseroka HDPyê, Fîgen Yûksekdagê hat betalkirin. Bi vê yekê hejmara parlamenterên HDPyê ji 59ê bû 58.
**
Dadgeha Cezayî ya Bazidê 5 meh cezayê girtinê da Selahattîn Demîrtaşî.
**
Di 6ê Adara 2017ê de polîsan parlamenterê HDPyê, Alîcan Onlû li Dadgeha Dêrsimê desteser kir.(AS/MB)