Jineka kurd bûye endama Lijneya Birêvebir a Weqfa Nobelî

Ji bo nûçeya tirkî / ingilîzî bitikîne 

Dilşa Demirbag-Sten li Lijneya Birêvebir a Weqfa Nobelî bûye avakar û sekretera giştî ya Wezareta Dadê(ya Swêdê).

Rojnameger û nivîskar e

Dilşa Demirbag-Sten nivîskar û rojnamegereka navdar a kurd e. Wê li ser pirsa bianet/kurdîyê bi telefonê got:

“Ez keyfxweş im ku dibînim jineka kurd a penaber kariye li Swêdê xwe bi pêş ve bibe û bê cihên baş.

“Swêd ew welat e ku rê û derfetan dide ku hûn bi ser bikevin.

“Ez mecbûr bûm ku bibim penaber û heke ne penabereka welatekê demokratîk bama, min ê nekariya bi ser bikevim.

“Ez hêvî dikim ku ez ê zêdetir jinên kurd li lijneyê û cihên bilind bibînim.”

Demirbag-Sten 1969ê li Elezîzê hatiye dinê. Dema ku 6 salî bûye ji bajarê xwe Elezîzê digel malbata xwe koçî Swêdê kiriye. Wê li Zanîngeha Stockholmê beşê sîyasetnasîyê xwendiye.

Wê sala 2018ê ji ber hevkarîya li Kontîya Stocholmê Madalyeya St:Erikî standiye.

(MB)

Wêne: Facebook/DilsaDemirbag-Sten