“Li Tirkiyeyê medya, aktivîst û mûxalefet bûn armancên êrîşan”

Ji bo nûçeya Tirkî bitikîne

Rêxistina Mafên Mirovan(HRW)  raporek amade kir û bi raporê eşkere kir ku “hikûmet guvaşê li ser dadgeh û dozgeriyan çêdike.”

Rêxistina Mafên Mirovan li ser ji 90ê zêdetir welatan raporan amade dike.

Dîrektirê Asyaya Navîn yê HRWy, Hugh Williamsoyî got:

“Hûn li Tirkiyeyê li ku binêrin hûn ê bibînin ku mekanîzma û balansên hiqûqê serdest dikin birîndar bûne

“...Kontrola hikûmetê ya li ser dadgerîya welatî xurt e û guvaşên li ser medya û saziyên sivîl zêde dibin.

“Di sala 2017ê de bi çavê siyasî rojnameger bi sûcên bi terorê re têkildar sûcdar kirin û doz li wan vekirin.

“Hikûmetê di sala 2017ê de êrîşên xwe yên li ser mûxalefeta Kurdan ya li meclîsê û birêvebiriyên herêmî xurt kirin.”

“Hevserokê Partiya Gelan a Demokratîk Selahattîn Demîrtaş jî di nav de gelek sîyasetmedar ji salekê zêde ye ku di girtîgehan de ne.

“Hikûmetê ji 100 hezaran zêdetir kes ji karên wan avêtin, sazî girtin lê ji bo telafîya wê ti rêyên tezmînatdanê venekir.”

Hûn dikarin rapora li ser Tirkiyeyê û rapora li ser dinyayê ya Rêxistina Mafên Mirovan bi zimanê Ingilîzî bixwînin. (AS/MB) 

Wêne: Pimpimokên piştî doza Cumhuriyetê hatîn firrandin...