Mirîşkên Tav Lê Nade Çawa Dibin 2,5 Kêlo

Ji bo nûçeya Tirkî  / Ingilîzî bitikîne

Greenpeaceyê kampanyayeka bi navê ''em naxapin'' daye dest pê kirin û dîyar kiriye, endûstrîya mirîşkan bûye meydaneka ezîyeta li heywanan. Greenpeace dixwaze endûstrîya mirîşkan heta sala 2020ê bê guhertin.

Greenpeaceyê li Hola Civînan a Cezayîrê civînek pêk anîye û rapora xwe ya bi navê ‘’Xerckirina Dinyayê’’ li paneleka bi navê ‘’Ladesa tê zanîn-Ji bo endûstriya mirîşkan paşiya rêyê hat.’’ Eşkere kiriye. 

Encamên berbiçav ên rapora Greenpeaceyê:

• Mirîşkên ku li dema 42 rojî ne, divê 435 gram bûna lê ji ber dayina antîbîyotîkan ew 2,5 kêlo ne.
• Ji bo mirîşk bi kêloyekê qelew bibin, 4 ton av tê xerckirin.
• Ji sedî 18ê gaza dora dinyayê wek serayekê dorpêç dike bi xwedîkirina heywanan derdikeve, ji sedî 8ê gazê ji xwedîkirina mirîkan derdikeve.
• Ji 3yê 1ê zewiyên tên kêlandin ji bo xwedîkirina heywanan têne kêlandin.
• Li Tirkiyeyê her sal milyonek mirîşk tên serjêkirin
• Li 20 salan xwedîkirina mirîşkan qasî 5 qetê xwe zêde bûye.
• Li yek metreya çargoşik 18 mirîşk bêyî ku tavê bibînin tên xwedîkirin.

Goştê mirîşkan di du sietan de dipije

Dr. Yavuz Dîzdarî diyar kiriye, mirîşk ji ber ku bi antîbîyotîkan mezin dibin, di 20 deqîqeyan de goştê wan dipije lê divîya di du sietan de çêbûya.

Dîzdar: ‘’ Li endûstrîya xwedîkirina mirîşkan tişta herî giring zû-mezinkirina çîçokan e. Antîbîyotîk bi hêceta parastina mirîşkan têne bi kar anîn lê ew guherînê li goştê mirîşkan dikin. Hin guhertin mayinde ne. Li gor lêkolîneka li sala 2015ê hatiye kirin antîbîyotîk proteînên bingehîn jî diguhere. Vê guhertinê bikirên mirîşkan welê ferq dikin ku mirîşkên divê li du sietan bipijin li 20 deqîqeyan dipijin.’’ 

Ahmet Atalikî jî dîyar kiriye ku xwedîkerên mirîşkan daxwaza bi kar anîna 24 cûreyên Maddeyên Genetîkê Diguherin(MGD) ji Wezareta Çandiniyê kiriye.(NV/MB)