NATO: Peywendiyan nerm bikin

Ji bo nûçeya Tirkî  / Ingilîzî bitikîne

Sekreterê giştî yê NATOyê, Jens Stoltenbergî bangî Tirkiye û Hollandayê kir û ji wan re got bila ew peywendiyan nerm bikin.

“Gengeşiyên hişk beşek ji demokrasîya me ye lê divê aliyên peywendiyan rêzê li hev bigirin.

“Em dixwazin bibin piştevanên aliyan ku rêzê li hev bigirin.

“Da ku peywendiyên hişk nerm bibin, divê em li tiştên hevpar bifikirin.”

Çi bûbû?

Di 6ê Adarê de wezîrê dadê Bakir Bozdagî xwestibû biçe Almanyayê û li wê derê beşdarî civînekê bibe lê civîn hatibû astengkirin.

Li ser vê yekê serokkomarê Recep Tayyîp Erdoganî eşkere gotibû:

"Min digot qey Nazîzm li Almanyayê nemaye lê welê diyar e hê heye."

Piştî sîyasetmedarên Alman xwe li ser vê yekê nerazî kir, serokwezîra Almanyayê Merkelê got:

"Divê Tirkiye demildest dest ji vê şibandina me û Nazîyan berde."

Wezîra Malbat û Polîtîkayên Civakî, Fatma Betûl Sayan Kaya piştî ku ji Hollandayê bi zorê ji bo Almanyayê hat birin îro bi balafirê Ji bajarê Kolnê yê Almanyayê hat Stenbolê.

Wezareta Karên Derve: Bila balyozê Hollandayê demekê venegere

Wezareta Karên Derve bi daxuyanîyekê diyar kir:

"Em ji bo demekê naxwazin balyozê Hollandayê yê hê jî bi destûrê li derveyî welatî ye vegere."

"Em vê hişmendiya dijminane şermezar dikin."

Alaya Tirkan li Balyozxaneya Hollandayê hat hildan

Xwenîşanderekî/ê alaya Tirkiyeyê bi stûna layan a Balyozxaneya Hollandayê ve kir.

Li gor nûçeya BirGûnê kesekê Tekbîr daye û alaya Hollandayê aniye xwarê li şûna wê ya Tirkiyeyê hildaye.(TP/YY/MB)