Nivîskarek û 5 nobedarên Ozgûr Gûndemê dê sibeyê bêne dadkirin

Ji bo nûçeya Tirkî / İngilîzî bitikîne

Nivîskarek û 5 nobedarên Ozgûr Gûndemê dê sibeyê bêne dadkirin

Berpirsên Weşana Ozgûr Gûndemê yên nobedar Nadîre Mater, Jûlîde Kural, Murat Uyurkulak, Hasan Cemal û Yildirim Tûrker û nivîskarê wê Îlham Bakir dê sibeyê, di 7ê Adarê de bêne dadkirin.

Dadkirin dê di siet 10.30ê be 

Di siet 10.30ê rûniştinên ji bo dadkirina Berpirsên Weşanê yên Nobedar dê dest pê bike.

 Çi bûbû?

Piştî 24ê Tîrmeha 2015ê pevçûnan dest pê kir, gelek doz li Ozgûr Gûndemê hatin vekirin. Li hemberî zordariyan Ozgûr Gûndemê Kampanyaya Nobedariya Berpirsiyariya Weşanê da dest pê kirin.

Doza ''propagandaya rêxistina terorî'' li wan kesên ku ji bo rojekê bûbûn berpirsên weşanê, hat vekirin.

Sê kesên beşdariya kampanyayê kiribûn; berpirsê Tirkiyeyê yê Rojnamegerên Sînornenas, Erol Onderoglû, seroka Weqfa Mafên Mirovan a Tirkiyeyê, Şebnem Korûr Fîncanci û nivîskar Ahmet Nesîn ji bo demekê hatin girtin.

Di 16ê Tebaxê de Dadgeha Cezayên Sûlhê ya 8. biryara girtina Ozgûr Gûndemê da.

Di 19ê Tebaxê de, Asli erdogan a nivîskara Ozgûr Gûndemê û endama Lijneya Şêwirmendên Weşanê hat girtin.

Di 22yê Tebaxê de Zana Kayayê berpirsê weşana Ozgûr Gûndemê û berpirsê naveroka nivîsan Inan Kizilkaya hatin girtin.

Di 31ê Tebaxê de, endama Lijneya Weşanê ya Ozgûr Gûndemê, Necmîye Alpaya nivîskar û zimanzan hat girtin.

Derbarê 50 rojnamegerên Nobedarên Weşanê de lêpirsîn dan destpêkirin û derbarê 39 rojnamegeran de jî doz hat vekirin.

Di 29ê Kanûna 2016an de Asli Erdogan û Necmiye Alpay serbest hatin berdan.(EA/MB)