Pêvajoya dengdanê dest pê kir

Ji bo nûçeya tirkî / ingilîzî bitikîne

Ji bo hilbijartina Serokomariyê û ya Parlamenteriyê pêvajoya dengdanê dest pê kir.

Li tevahiya Tirkiyeyê 56 milyon û 322 û 632 dengdêr wê li 180 hezar û 65 sendoqan dengên xwe bidin.  

Dengdana li derveyî Tirkiyeyê 7ê Hezîranê dest pê kiribû û 19ê Hezîranê bidawî bûbû. Kesên ku dengên xwe bi kar neanîbin dikarin îro heta saet 17.00ê li deriyên sînoran dengên xwe bidin.

Sendoq wê saet 17.00ê bên girtin

Dengdêrên li nava Tirkiyeyê wê di navbera 08.00ê û 17.00ê de karibin dengên xwe bidin. Heke saet bibe 17.00 û kesên dengên xwe nedabin hebin û li wê dibistana ku dê dengên xwe bidin amade bin, piştî serokê lijneya sendoqê wan bijmêre wê karibin dengên xwe bidin.

Ji bo dengdanê divê belgeyek ku biwêne û hejmara nasnameyê ya Komara Tirkiyeyê li ser hebe li ba dengdêran be. (HK/FD)