Pirtûka nû ya helbestan a Selîm Temoyî çap bûye

Pirtûka nû ya helbestan a Selîm Temo derketiye. Pirtûka bi navê “Pûnga Li Bajêr” piştî çapkirina pirtûka “Keştiya Bayê” bi pênc salan hatiye weşandin.

Weşanên Darayê pirtûk çap kiriye ku ji du beşan û 33 helbestan pêk hatiye.

Weşanxaneyê pirtûk bi van gotinan daye naskirin: “Pûnga li Bajêr, di poetîkaya Temoyî de wek qonaxeka nû dixuye. Ramanên kesane, îmajên dîtbarî, bihîstyarî û hestyarî ji nav pirtûkê difurin. Bala mirovî dikêşe ku Temo li cografya û hestên zarokatî û ciwaniyê vedigere û ji wir dipeyive.”

Sadiq Hangul berg û sêwirîna pirtûkê amade kiriye û Cûmhûr Olmezî jî edîtorî kiriye. (FD)