Platforma Sînemayê ya Ermenistan û Tirkiyeyê wê piştgiriyê bide projeyên hevpar

Ji bo nûçeya Tirkî bitikîne

Platforma Sînemayê ya Ermenistan û Tirkiyeyê (ETSP) di 9emîn sala xwe de bang li filmçêkir û dokumanterîstên ji Tirkiyê, Ermenistanê û kesên ji dîasporayên her du welatan kir ku bi projeyên hevpar serî li Atolyeya Pêşvebirina Projeyê ya ETSPyê bidin.

Atolyeya ETSPyê di 10 û 11ê Tîrmehê de di dema 14emîn Festîvala Film a Kayisi ya Zêrîn de wê birêve biçe.

Atolyeya ku wê du rojan berdewam bike di nava xwe de perwerdeyan, civînên rûbirû û pêşkêşkirinên projeyan dihewîne.

Xelat 7.500 eûro ye

Lijneyeka navneteweyî dê 10 fîlman ji bo atolyeyê hilbijêrin.

Yek ji wan fîlmên hatîn hilbijartin dê xelata 7.500 euro bistîne.

Lêçûnên çûnûhatin û mayîna beşdarvanên ji Tirkiyeyê (ji her projeyekê ji bo beşdarvanekî/beşdarvanekê) dê ji hêla projeya ETSPyê bê dayin.

Yên ku dixwazin serî li atolyeyê bidin, divê heta 15ê Hezîrana 2016ê serî li atolyeyê bide. 

Platformê heta niha ji Tirkiyê û Ermenistanê nêzîkî 100 sînemaçêker anîye ba hev. (YY/FD)