Polêsan êrişî çalakiyên Egitim Senê kirin: Bi dehan kes hatin binçavkirin

Ji bo nûçeya Înigîlîzî /  Tirkî bitikîne

Egitim Senê Egitim Senê li dijî jikarderxistina bi hezaran endamên xwe îro li gelek cihan çalakiyên şermezarkirinê lidarxisin. Polêsan li gelek bajaran êrişî çalakiyên mamosteyan kirin û di encamê de gelek ji wan bi darê zorê û tundkirinê binçavkirin.

Wezareta Perwerdehiyê (MEB) di 8ê Îlonê de daxuyandibû ku piraniya wan ji bajarên kurdan 11 hezar û 285 mamoste-karmend bi hinceta têkiliya wan bi PKKê re hene, ji kar hatin derxistin.

KESK û Egirtim Senê li Stenbol, Enqere, Amed û Mûşê li dijî jikarderxistinan çalakî li dar xistin. Pol3esan li Amed, Mûş û Enqereyê êrişî çalakiyan kirin.

Polêsan li dijî çalakiyên Amed û Mûşê bi bombeyên gazê, cop û ava şîd êriş kirin.

Egitim Senê daxuyand ku li Amedê 70, li Mûşê jî 4 endamên wan hatine binçavkirin û Sekreterê Şaxa 1. ya Egitim Sena Amedê Mehmet Nur Ozdemir ji ber bombeyên gazê aciz bûye û wî rakirine nexweşxaneyê.

“Demildest serbest berdin”

Lijneya Rêveberiya Navenda Egirtim Senê derbarê mijarê de daxuyanî da xwest ku endamên wan ên binçavkirî demildest serbest werin berdan. Di wê daxuyaniyê de wiha hat gotin:

“Ew kesên ku piştî 15ê Tîrmehê îdia dikirin ku wan meydanên bajêran kirine “qadên demokrasiyê”, îro li heman meydanan faşîzmê ava kirin. Îro mafê herî bingehîn jî tê binpêkirin û ew kesên ku vê yekê dikin jî OHALê ji xwe re kirine zirx. Armanca ew e ku kî îtihatê wan neke bi darê zorê bînin hîzayê.

“Bila her kes pê bizanibe ku wê sendîqeya me ti dem dev jî parastina mafên  demokratîk bernade û wê li hemberî vê bêhiqûqiyê jî bisekine. Bila baş were zanîn ku em weke Egitim Senê van pêkanînan dişopînin û em bagdikin ku endamên me yên binçavkirî demildest serbest werin berdan. Em ji bo hevalên me yên birîndar re jî şifa dixwazin.”

(BK/YO)