Rapbêjên kurd wê dîsa bavêjin ber hev

Ji bo nûçeya tirkî bitikîne

Rapbêj Xem, Reqso, Ronî Artîn û Adar piştî demekê dîsa bi hev re di bin navê “Kurdish Rap Night”ê de wê şevbuhêrkekê li dar bixin. Bernameya rapbêjan wê di 15ê Kanûna Pêşiyê de li Sanat Performance-a Beyogluya Stenbolê bi rê ve biçe û rapbêj wê stranên xwe yên rapê yên kurdî bibêjin.

Di heman bernameyê de wê Vedat Yildirim û Harûn Elkî jî derkevin ser dikê û weke du hunermendên mêvan wê stranan bistirên.

Bixwîne - Şevbuhêrka rapbêjên kurd wê li Stenbolê çêbibe

Bixwîne - "Kurdish Rap Night" ê li Stenbolê bê pêkanîn

Bername wê saet di 21.00ê de dest pê bike û Deno Ozer wê pêşkêşvanê wê be.

XEMî di hevpeyvînekê de ji bianetê re li ser rewşa Rapa kurdî gotibû: 

Ez dikarim navê 8 rapbêjan bihejmêrim ku ew li Stenbolê dijîn. Em hene lê li platformên mûzîkê nînin. Ez her dem hewil didim guvaşê li ser hevalên xwe jî çêbikim ku ew jî berheman çêbikin. Em distirin, lê li platformên mûzîkê nînin. Ez gelek dixwazim dostên wek Ronî Artîn û Reqso jî berheman derbêxin. Ez qebûl dikim ku civata guhdaran û pîyasaya rapa kurdî nîne. Lê divê ya kêm li platformên mûzîkê 10-15 nav hebin, ev yek reqabetê çêbike û bi reqabetê pîyaseyek çêbibe. Rapbêj ji beriya dest bi gazindên ji guhdaran bikin divê erkên xwe bi xwe pêk bînin. Çar sal in ku em nikarin behsa berhemeka nû ya rapê bikin.

Fotograf: Murat Bayram / bianet

Rapbêj di sala Hezîrana 2018ê de û Çiriya Pêşiyê ya 2019ê de bi heman konseptê du konser li dar xistibûn. (FD)