Rêvebira Girtîgeha Wanê dest danîye ser daxwaznameyên girtîyan

Rêveberiya Girtîgeha bi Ewlekariya Bilind a Wanê dest daniye ser hemû daxwaznameyên girtiyên siyasî.

 Hatiye zanîn ku Rêveberiya Girtîgeha bi Ewlekariya Bilind a Wanê dest daniye ser hemû daxwaznameyên girtiyên siyasî yên ku gilî û daxwazên wan tê de bûne û ji bo dozgeriya girtîgehê, Wezareta Edaletê û Meclisê şandine. 

Li gorî agahiyên malbatên girtiyan dane, rêveberiya girtîgehê dest daniye ser daxwaznameyên giliyê yên ji bo dozgeriya girtîgehê hatine şandin û daxwaznameyên ku girtiyan tê de daxwazan xwe anîbûn ziman û ji Meclis û Wezareta Edaletê re şandibûn.

 Li gorî nûçeya Ajansa Mezopotamyayê rêveberiya girtîgehê bi taybet jî dest daniye ser daxwaznameyên girtiyan ên ji Meclisê re hatine şandin. Heta hejmarên derketinê yên daxwaznameyan jî bi girtiyan re nehatiye parvekirin. (AY)