Şanoya Bajêr a Amedê bernameya xwe ya Çiriya Pêşiyê aşkere kiriye

Şanoya Bajêr a Amedê, bernameya xwe ya meha Çiriya Pêşiyê aşkera kiriye.

Di nav bernameya Şanoya Bajêr a Amedê de sêlîstik hene. Lîstika "Don Kîxot" a Miguel de Cervantes bi wergera Dilawer Zeraq û derhêneriya Ferhad Feqî vê havînê galaya wê hatibû çêkirin û vê mehê dîsa di nav bernameyê de ye. Ligel vê, lîstika "Dawiya Dawî" ya Kemal Gokhan jî dê bê lîstin. Vê mehê lîstikeke bi tikrkî jî di nav bernameyê de ye. Lîstika Kemal Aydogdu ya bi navê "Kim Babami Oldurdu" (Kî bavê min kuşt) jî dê derkeve ser dikê.

Li gor bernameyê:

- “Dawîya dawî” dê rojên 1 û 2yê Çiriya Pêşiyê bê lîstin.

- “Don Kîxot” dê rojên 8, 9, 22, 23, 29 û 30ê Çiriya Pêşiyê bê lîstin.

- “Babami kim oldurdu” dê rojên 15 û 16 Çiriya Pêşiyê bê lîstin. Lîstikên Şanoya Bajêr a Amedê saet 19.00an de têne lîstin.

Ligel lîstikên şanoyê vê mehê konserek jî heye. Hunermend Ali Dogan Gonultaş 27ê mehê dê konsera xwe pêşkêş bike. (AY)

*Çavkanî: Diyarname