"Sedema qedexekirina bernameya Çîrokên Xorasanê çi ye?"

Ji bo nûçeya tirkî bitikîne

Navenda Çanda Mezopotamyayê (MKM) diviyabû di 17ê Hezîranê de li Navenda Çanda Alî Emîrî Efendi ya Şaredariya Bajarê Mezin a Stenbolê (ÎBB) ku li Taxa Fatîha Stenbolê çalakiya “Çîrokên Xorasanê” lidarbixista. Lê Qeymeqamiya Fatîhê di 16ê Hezîranê de bêyî ku sedemek nîşan bide bername qedexe kiribû.

Parlamentera Mêrdînê ya Partiya Kesk a û Çep Bêrîtan Guneş Altinê îro ji bo ku Wezîrê Navxweyî Alî Yerlîkaya bibersivîne pirsname peşkeş kiriye.

Polarîzasyona ku di civakê de ye zêde dike

Di vê çarçoveyê de Berîvan Guneş Altinê ev pirs ji Yerlikaya pirsiye:

• Sedema qedexekirina çalakiya “Çîrokên Xorasanê” çi ye? Heger çalakî bi zimanekî din bihata lidarxistin, weke mînak bi zimanekî Ewropayê, gelo dê dîsa jî bihata qedexekirin?
• Ji bo betalkirina çalakiya ku amadekariyên wê bi mehan berê hatibûn kirin, rojek beriya lidarxistina wê, hinceta qanûnî çi ye?
• Piştî qedexekirina çalakiya “Çîrokên Xorasanê” mexdûriyeta hunermend û hunerhezan wê çawa ji holê were rakirin?

*MKMê têkildarî qedexekirina çalakiyê daxuyanî dabû û gotibû, "Biryara vê qedexeya çend saet beriya çalakiya me hat girtin, di rastiyê de ev qedexe ji bo qedexekirina ziman û çanda Kurdî ye."(TY/AY)