Trumpî ji penaberan re gotiye: Artêşa me li bendî we ye
Ji bo nûçeya tirkî bitikîne
12ê Çiriya Pêşiyê (Cotmeh) ji Guetemala, Honduras û El Salvadorê penaber ber bi DYAyê ve dest bi meşê kiribûn. Meş bi beşdariya penaberên nû berdewam dike.
Hatiye diyarkirin ku 1600 kîlometre mayê paneber bigihêjin sînorê DYAyê û ji bo bigihêjin ser sînorî, demeke dirêj divê. Lê digel vê rewşê jî DYAyê biryar girtiye ku 5 hezar û 200 leşkeran bişînin ser sînorî.
#US to send 5,200 troops to border with #Mexico pic.twitter.com/AZnMv6IntB
— CGTN (@CGTNOfficial) 30 Ekim 2018
Rayedarên DYAyî diyar dikin ku ew hejmara meşvanan bi zelalî nizanin lê tê diyarkirin ku hejmara wan di navbera 7 hezar û 10 hezaran de ye.
Li gorî nûçeya The New York Timesê, hejmara wan ji 7 hezaran daketiye 3 hezar û 500î. Lê ji ber ku li ser rê hin kesên din beşdarî wan dibin, ev hejmar her gav diguhere.
Trump: “Artêşa me li bendî we ye”
Many Gang Members and some very bad people are mixed into the Caravan heading to our Southern Border. Please go back, you will not be admitted into the United States unless you go through the legal process. This is an invasion of our Country and our Military is waiting for you!
— Donald J. Trump (@realDonaldTrump) 29 Ekim 2018
Donald Trump, Serokê DYAyê li ser hesabê xwe yê Twitterê wiha nivîsiye: “Tika dikim ku hûnê vegerin, heta hûn di pêvajoya qanûnî re derbas nebin, hûnê ji bo DYAyê neyên vexwendin. Ev, dagirkirina welatê me ye û artêşa me li bendî we ye.” (HA/FD)